रोनाल्डोच्या पोर्तुगालला धक्का देणारा योआन विसा नक्की कोण? एकेकाळी दृष्टी जाण्याची भीती, आता फिफा विश्वचषकात डीआर कॉंगोसाठी केला ऐतिहासिक गोल

पोर्तुगालचा मिडफिल्डर जाओ नेव्हेसने सहाव्या मिनिटाला गोल करून संघाला 1-0 अशी आघाडी मिळवून दिली होती, मात्र विसाने केलेल्या गोलने सामना बरोबरी आला. नंतर कोणालाही गोल करता आला नसल्याने सामना बरोबरीतच संपला. दुसरीकडे विसा अचानक चर्चेचा विषय बनला. पाच वर्षांपूर्वी त्याने याची क्ल्पनाही केली नसेल. तो नक्की कोण, त्याच्याबद्दलची माहिती जाणून घेऊ.

झाले असे की, 1 जुलै 2021 मध्ये विसाने एका महिलेसाी आपल्या घराचा दरवाजा उघडला, जिने त्याच्या मुलीचे अपहरण करण्याचा प्रयत्न केला आणि त्याच्या चेहऱ्यावर ऍसिड फेकले. या घटनेत विसा खूपच गंभीर जखमी झाला. त्यामुळे त्याची दृष्टी जाऊ शकली असती. त्याचे करिअरही संपुष्टात येऊ शकले असते. पुढे त्या हल्लेखोराला जानेवारी 2025 मध्ये 18 वर्षांच्या तुरुंगवासाची शिक्षा सुनावण्यात आली.

विसाचा जन्म 3 सप्टेंबर 1996 रोजी फ्रान्समधील विलन्यूव्ह सेंट जॉर्जेस येथे झाला. त्याने आपल्या कारकिर्दीची सुरूवात तेथूनच केली. नंतर त्याने ब्रेंटफोर्ड संघासोबत प्रीमियर लीगमध्ये प्रगती केली. त्याचा वेग, चपळाई आणि अचूक गोल करण्याची क्षमता यामुळे लवकरच सर्वांचे लक्ष वेधले गेले. त्याच्या सातत्यपूर्ण कामगिरीमुळे न्यूकॅसल युनायटेडने गेल्या वर्षी त्याला करारबद्ध केले. आंतरराष्ट्रीय सामन्यांदरम्यान झालेल्या दुखापतींमुळे त्याच्या कामगिरीवर परिणाम झाला, ज्यामुळे त्यांच्या कामगिरीबद्दल प्रश्नचिन्ह निर्माण झाले. मात्र, आता त्याने फिफा विश्वचषक स्पर्धेत काँगोसाठी गोल करून सर्वांना चकित केले आहे.