नवी दिल्ली :
राजधानी दिल्ली आणि उत्तराखंडमध्ये दहशतवादी हल्ल्याचा इशारा गुप्तचर यंत्रणांनी दिला आहे. धमकीचा ईमेल मिळाल्यानंतर, दोन्ही राज्यांमधील मंदिरे, सरकारी कार्यालये, रेल्वे स्थानके, पोलीस ठाणी आणि इतर संवेदनशील ठिकाणी सुरक्षा वाढवण्यात आली आहे. अतिरिक्त पोलीस दल तैनात करण्यात आले आहे.
येत्या काही दिवसांत दिल्ली आणि उत्तराखंडमधील अनेक ठिकाणांना लक्ष्य केले जाऊ शकते, असा इशारा धमकीच्या ई-मेलमध्ये देण्यात आला आहे. त्यात काही राजकीय नेत्यांचाही उल्लेख आहे. तथापि, कोणत्याही हल्ल्याची वेळ किंवा ठिकाणाबाबत कोणतीही ठोस माहिती मिळालेली नाही. दिल्ली पोलीस ईमेलची सत्यता आणि त्याच्या स्रोताची तपासणी करत आहेत. सायबर तज्ञ त्याच्या डिजिटल मार्गाची तपासणी करत आहेत. खबरदारीचा उपाय म्हणून संपूर्ण प्रकरणावर बारकाईने लक्ष ठेवले जात आहे.
Comments are closed.