दरवर्षी कपाट आवरताना काही कपडे बाजूला काढले जातात. काही छोटे होतात, काही फॅशनबाहेर जातात, तर काहींचा रंग फिका पडतो. मग हे कपडे सरळ भंगारात किंवा कचर्यात जातात. पण थोडी कल्पकता वापरली तर हेच जुने कपडे पुन्हा नव्या रूपात घरात उपयोगी पडू शकतात. जाणून घेऊयात जुन्या कपड्यांचा भन्नाट वापर.
स्टायलिश कुशन कव्हर
आवडता टी-शर्ट वापरायचा राहिला असेल, तर त्याचं आकर्षक कुशन कव्हर बनवा. शिवणकामाचं थोडंसं ज्ञान असेल, तर काही मिनिटांत घराच्या सजावटीला नवीन लूक देता येईल.
स्टोरेज आयोजक
जुन्या डेनिम जिन्सचे खिसे कापून भिंतीवर लावा. चावी, चार्जर, रिमोट, पेन किंवा छोट्या वस्तू ठेवण्यासाठी हा भन्नाट आणि स्टायलिश ऑर्गनायझर तयार होतो.
स्वयंपाकघरातील कापड
जुने कॉटन शर्ट किंवा टी-शर्ट छोटे तुकडे करून किचन क्लिनिंग क्लॉथ तयार करा. ते पाणी पटकन शोषून घेतात आणि पुन्हा धुऊन अनेकदा वापरता येतात.
कापडी पिशव्या
जुन्या कुर्त्या, साड्या किंवा शर्टपासून आकर्षक शॉपिंग बॅग तयार करा. प्लास्टिकला पर्याय म्हणून या बॅग्स मजबूत आणि पर्यावरणपूरक ठरतात.
पेट्ससाठी बेड
घरात कुत्रा किंवा मांजर असेल, तर जुने टी-शर्ट, स्वेटर किंवा चादरी वापरून त्यांच्यासाठी मऊ आणि उबदार बेड तयार करता येतो.
सॉफ्ट खेळणी
रंगीत कपड्यांचे तुकडे एकत्र करून हाताने भरलेली छोटी खेळणी किंवा सॉफ्ट बॉल तयार करता येतात. मुलांसाठी हा मजेशीर आणि सुरक्षित पर्याय ठरू शकतो.
टेबल धावणारा
सुंदर प्रिंट असलेल्या जुन्या साडीचा वापर करून डायनिंग टेबलसाठी टेबल रनर किंवा प्लेसमॅट तयार करा. कमी खर्चात घराला एलिगंट लूक मिळतो.
Comments are closed.