Stock Market Today – शेअर बाजारात पुन्हा तेजी; चौफेर खरेदीमुळे सेन्सेक्स 400 अंकांनी वधारला, निफ्टी 24,100 च्या पार

आखातातील वाढता तणाव आणि कच्च्या तेलाच्या किंमतीत झालेली वाढ यानंतरही बुधवारी हिंदुस्थानच्या शेअर बाजारात तेजी दिसून आली. बाजार उघडताच मुंबई शेअर बाजाराचा निर्देशांक सेन्सेक्स आणि राष्ट्रीय शेअर बाजाराता निर्देशांक निफ्टी चौफेर खरेदीमुळे वधारला. सेन्सेक्स 410 अंकांनी वधारून 77,464 च्या पातळीवर पोहोचला. दुसरीकडे, निफ्टी देखील 120 अंकांच्या वाढीसह 24,172 च्या पार गेला. बाजारातील या बंपर ओपनिंगमुळे गुंतवणूकदारांमध्ये प्रचंड उत्साहाचे वातावरण आहे.

सेक्टोरल इंडेक्स वर नजर टाकल्यास, आज सकाळच्या व्यवहारात फायनान्शियल सर्व्हिसेस आणि बँकिंग शेअर्सनी बाजारातील या तेजीचे नेतृत्व केले आहे. याशिवाय निफ्टी प्रायव्हेट बँक, निफ्टी ऑटो, निफ्टी पीएसयू बँक, निफ्टी डिफेन्स, मॅन्युफॅक्चरिंग, कन्झ्युमर ड्युरेबल आणि रियल्टी सेक्टरही मजबुतीसह हिरव्या निशाणावर टिकून आहेत.

फायनान्शियल सर्व्हिसेसमध्ये सर्वाधिक 1.08 टक्केची तेजी नोंदवली गेली आहे. ऑटो सेक्टर 0.90 टक्के आणि बँकिंग सेक्टर 0.83 टक्के च्या वाढीसह बाजाराला आधार देत आहेत. दरम्यान, तेजीच्या वातावरणात आयटी क्षेत्रात आज मोठी सुस्ती पाहायला मिळत असून, निफ्टी आयटी सुमारे 1.51 टक्क्यांनी घसरला आहे.