सोनम वांगचुक आमच्यासाठी आणि देशासाठी महत्त्वाचे, सरकार अतिशय असंवेदनशील, सुप्रिया सुळेंची टीका

सुप्रिया सुळे : NEET परीक्षा पेपरफुटी संदर्भात केंद्रीय शिक्षण मंत्री धर्मेंद्र प्रधान यांनी राजीनामा द्यावा या मागणीसाठी दिल्लीत ज्येष्ठ समाजसुधारक, पर्यावरण कार्यकर्ते व पद्मश्री पुरस्कार विजेते सोनम वांगचुक उपोषणाला बसले आहेत. गेल्या 19 दिवसांपासून सोनम वांगचुक यांचे दिल्लीतील जंतर-मंतर येथे उपोषण सुरु आहे. सोनम वांगचुक आमच्यासाठी आणि देशासाठी महत्त्वाचे आहेत असं मत राष्ट्रवादी काँग्रेस शरद पवार पक्षाचे खासदार सुप्रिया सुळे यांनी व्यक्त केले. सरकार अतिशय असंवेदनशील आहे, सरकारच्या वतीने कोणीतरी येऊ शकत होते मात्र इथे कोणीही आलेले नाही असे सुळे म्हणाल्या.

सरकारने जागे होऊन या प्रकरणात लक्ष घालावं

प्रश्नावर चर्चा करता आली असती, मात्र सरकारकडून तसे प्रयत्न झाले नाही आम्ही सरकारचा निषेध करतो असे सुळे म्हणाल्या. नीटच्या परीक्षेत झालेला गैरव्यवहार हा गुन्हा एका सोबत नाही तर देशभरातील आपल्या अनेक लोकांच्या मुलांसोबत गैरप्रकार झाला आहे असल्याचे सुळे म्हणाल्या. मी जेव्हा सांगितले की मी सोनम वांगचुक आणि अभिजीत दिपके यांच्या समर्थनात जात आहे, तेव्हा माझ्या मतदारसंघातील शेकडो लोकांनी या गोष्टीचे समर्थन केले आणि स्वागत केले आहे. सरकारने जागे होऊन या प्रकरणात लक्ष घालावं अशी विनंती सुप्रिया सुळे यांनी केली.

संविधान संशोधन विधेयकावर आणखी चर्चेची गरज

आम्ही सर्व ताकदीने लढू मात्र सोनम वांगचुक यांना विनंती आहे की त्यांनी उपोषण सोडावे मात्र ते देखील जिद्दी आहेत ते आपले मागणी पूर्ण करुनच राहतील असे सुळे म्हणाले. आम्ही लोकप्रतिनिधी आहोत. लोकांची कामे करण्यासाठी मंत्र्यांकडे जावे लागते. मी जेसीबी दौऱ्यावर असताना लखनऊ येथे योगी आदित्यनाथ यांना भेटले.संविधान संशोधन विधेयकावर आणखी चर्चेची गरज आहे, असे आम्हाला वाटते. आमचा त्याला विरोध आहे. या विधेयकाची अंमलबजावणी होऊ नये, असे आमचे स्पष्ट मत असल्याचे सुळे म्हणाले.

माझ्या भावाची शेवटची इच्छा पूर्ण करण्यासाठी आमचे प्रयत्न होते

माझा भाऊ आज राहिला नाही, त्यामुळे त्या चर्चेला आता पूर्णविराम मिळाला आहे. भाऊ जाऊन पाच महिने झाले. कुटुंब म्हणून आम्ही सावरतोय. आम्ही दोन्ही पक्ष एकत्र येऊन गुन्या गोविंदाने राहून देशाची सेवा करावी, ही माझ्या भावाची इच्छा होती असे सुळे यावेळी म्हणाल्या. मात्र त्याच्याकडून काही प्रतिक्रिया नाही, त्यांच्या बाजूच्या स्टेटमेंटवरुन त्यांना असे काही करायचेच नाही हे कळले. त्यामुळे आमच्या दृष्टीने तो विषय संपलेला आहे. माझ्या भावाची शेवटची इच्छा पूर्ण करण्यासाठी आमचे प्रयत्न होते, तो प्रस्ताव माझ्या भावाचा होता असे सुळे म्हणाले.

आम्ही स्वाभिमानाने आपलं काम करु असे सुळे म्हणाल्या. डिलीमीटेशनचे बिल आले नाही तर चर्चा करण्याचा प्रश्नच नाही असेही सुळे म्हणाल्या. एक देश एक निवडणूक यावर अजून चर्चा सुरू आहे असे सुळे म्हणाल्या.