साडी दिली नाही म्हणून पत्नीचा पारा चढला अन्…, नवऱ्याच्या डोक्यात कुकरचं झाकण घातलं, चिमुरड्या

मिळालेल्या माहितीनुसार, बदलापूरच्या शिरगाव परिसरात 35 वर्षीय हरेराम सिंग हा पत्नी सुनीता देवी आणि सात वर्षांच्या मुलासोबत वास्तव्यास होता. हरेराम हा अपंग असल्याने अंथरुणाला खिळलेला होता. तर पती-पत्नीत अनेकदा वाद होत होते. अशातच त्यांच्यात साडी खरेदीवरून पुन्हा एकदा वाद झाला आणि याच वादाने संतापाचे टोक गाठलं. यात सुनीताने हरेरामच्या डोक्यात कुकरचे झाकण घातले. त्यानंतर त्याचा गळा दाबून त्याची क्रूरपणे हत्या करण्यात आली. यानंतर तिने पोलिसांना चुकीची माहिती देत दिशाभूल करण्याचा प्रयत्न केला. मात्र पोलिसांनी सात वर्षांच्या मुलाचा जबाब घेतल्यानंतर सत्य समोर आलं. याप्रकरणी बदलापूर पूर्व पोलिसांनी पत्नी सुनीताविरोधात गुन्हा दाखल करत तिला बेड्या ठोकल्या आहेत.

लोणावळ्यात जुन्या पुणे–मुंबई महामार्गावर भरधाव कंटेनरच्या धडकेत दुचाकीस्वार रामदास शिर्के यांचा दुर्दैवी मृत्यू झाला. या भीषण अपघाताचे थरारक दृश्य मागून येणाऱ्या दुचाकीवरील फ्रंट कॅमेऱ्यात कैद झाले असून अपघातानंतर कंटेनर चालक फरार झाला आहे. लोणावळा शहर पोलिसांनी गुन्हा दाखल करून चालकाचा शोध सुरू केला आहे.

Ratnagiri: सार्वजनिक सभागृहाची साफसफाई करताना विजेचा धक्का लागून महिलेचा दुर्दैवी मृत्यू

रत्नागिरी जिल्ह्यातील दापोली आडे कोळीवाड्यात एक हृदयद्रावक घटना घडली आहे. सार्वजनिक सभागृहाची साफसफाई करत असताना ३८ वर्षीय पुष्पा जगदीश नांदगावकर यांचा विजेचा धक्का लागून दुर्दैवी मृत्यू झाला आहे. ३३ केव्ही वीजप्रवाहाचा शॉक बसल्याने त्या गंभीर जखमी झाल्या. ग्रामस्थांनी तातडीने त्यांना आंजर्ले येथून दापोली उपजिल्हा रुग्णालयात दाखल केले, मात्र डॉक्टरांनी त्यांना मृत घोषित केले. या घटनेमुळे आडे परिसरात शोककळा पसरली असून, सार्वजनिक ठिकाणी काम करताना विद्युत सुरक्षेबाबत गंभीर प्रश्न उपस्थित झाले आहेत.