टी-20 क्रमवारीत भारत पुन्हा नंबर-1 कसा होणार? जाणून घ्या संपूर्ण समीकरण

भारत विरुद्ध झिम्बाब्वे यांच्यातील तीन सामन्यांची टी-20 मालिकेला आजपासून (23 जुलै) हरारे येथे सुरू होत आहे. टी-20 विश्वचषक जिंकल्यापासून, श्रेयस अय्यरच्या नेतृत्वाखालील भारतीय संघाला अद्याप पहिल्या विजयाची प्रतीक्षा आहे. भारताला आयर्लंडविरुद्ध 0-2 अशा अनपेक्षित पराभवाचा सामना करावा लागला होता, त्यानंतर इंग्लंडविरुद्ध 0-4 असा एकतर्फी पराभव पत्करावा लागला.

सलग सहा टी-20 सामने गमावल्यामुळे भारताने आयसीसी ICC टी-20 क्रमवारीत अव्वल स्थानही गमावले आहे. सध्या इंग्लंड पहिल्या स्थानावर आहे, तर भारत दुसऱ्या स्थानावर आहे. झिम्बाब्वेविरुद्धची ही मालिका जिंकून भारताकडे पुन्हा एकदा अव्वल स्थान मिळवण्याची संधी आहे.

भारत पुन्हा नंबर वन कसा बनू शकतो?

आयसीसी टी-20 क्रमवारीनुसार, इंग्लंड आणि भारत या दोन्ही संघांचे रेटिंग समान (268) आहे. तरीही, इंग्लंड अव्वल स्थानावर आहे आणि भारत दुसऱ्या स्थानावर आहे.

झिम्बाब्वेविरुद्धचा पहिला टी-20 सामना जिंकून भारत क्रमवारीत पुन्हा अव्वल स्थानी पोहोचू शकतो. मात्र, ते स्थान पक्के करण्यासाठी संपूर्ण मालिका जिंकणे महत्त्वाचे ठरेल.

पुढील आयसीसी टी-20 क्रमवारी 29 जुलै रोजी जाहीर होणार आहे. तोपर्यंत भारत-झिम्बाब्वे मालिकेतील तिन्ही सामने खेळून झालेले असतील.

पहिला सामना – 23 जुलै
दुसरा सामना – 25 जुलै
तिसरा सामना – 26 जुलै

जर भारताने तिन्ही सामने जिंकून मालिका 3-0 अशी खिशात घातली, तर त्यांच्या रेटिंगमध्ये मोठी वाढ होईल. वैयक्तिक सामने जिंकण्यासोबतच, मालिका विजयासाठीही भारताला अतिरिक्त गुण मिळतील.

भारत 2-1 अशा फरकाने मालिका जिंकला तरीही अव्वल स्थानावर पोहोचण्याची शक्यता आहे. मात्र, मालिका गमावल्यास भारताच्या क्रमवारीत मोठी घसरण होऊ शकते.

भारताने आतापर्यंत झिम्बाब्वेच्या भूमीवर चार टी-२० मालिका खेळल्या आहेत. संघाने तिथे कधीही मालिका गमावलेली नाही. 2015 मधील मालिका 1-1 अशी बरोबरीत सुटली होती.

भारताने 2010 मध्ये झिम्बाब्वेमधील आपली पहिली टी-20 मालिका 2-0 अशी जिंकली होती. त्यानंतर, 2016 मध्ये त्यांनी 2-1 असा विजय मिळवला.

2024 मध्ये टी-20 विश्वचषक जिंकल्यानंतर, शुबमन गिलच्या नेतृत्वाखाली भारताने झिम्बाब्वेचा दौरा केला. पहिल्या सामन्यात पराभव पत्करावा लागला असला तरी, भारताने जोरदार पुनरागमन करत सलग चार सामने जिंकले आणि मालिका 4-1 अशी खिशात घातली.

आता, 2026 मध्येही विजयाची ही परंपरा कायम राखण्याचे आव्हान भारतासमोर आहे.

भारत-झिम्बाब्वे टी-20 मालिकांचे निकाल

2010 – भारत 2-0 ने जिंकला
2015 – मालिका 1-1 अशी बरोबरीत
2016 – भारत 2-1 ने जिंकला
2024 – भारत 4-1 ने जिंकला