Fadnavis Daughter X Post : सीजेपी आंदोलनावर मुख्यमंत्र्यांच्या कन्या दिविजा फडणवीसांची प्रतिक्रिया

Fadnavis Daughter X Post : सीजेपी आंदोलनावर मुख्यमंत्र्यांच्या कन्या दिविजा फडणवीसांची प्रतिक्रिया

गेल्या 34 दिवसांपासून नीट पेपर फुटीवरुन जंतर मंतरवरील विद्यार्थ्यांचं आंदोलन सुरुच आहे. केंद्रीय शिक्षण मंत्री धर्मेंद्र प्रधान यांच्या राजीनाम्याच्या मागणीसाठी विद्यार्थी आंदोलन करत आहेत. सरकारसोबत विद्यार्थ्यांची अजून तरी यशस्वी चर्चा झाली नाही. याचदरम्यान, महाराष्ट्राचे मुख्यमंत्री देवेंद्र फडणवीस यांची कन्या दिविजा फडणवीस यांनी NEET पेपर फुटीवरुन सुरु असलेल्या आंदोलनावर आपलं मत व्यक्त केलं आहे.
लोकशाहीतील विरोधी पक्षाने देशाचे हित डोळ्यांसमोर ठेवले पाहिजे. केवळ सत्ताधारी पक्षाचा द्वेष करणे किंवा त्यांची बदनामी करणे याऐवजी, देशाच्या सर्वांगीण विकासासाठी सत्ताधारी पक्षाला चांगले निर्णय घेण्यास मदत केली पाहिजे.
सोशल मीडियावर गाजणाऱ्या कोणत्याही गोष्टीचे आंधळेपणाने समर्थन करू नका, केवळ ‘ट्रेंड’ आहे म्हणून बंड करू नका आणि कोणत्याही विचारसरणीच्या आहारी जाऊन स्वतःची विचारशक्ती गमावू नका. जोपर्यंत विद्यार्थ्यांचे हित जपले जाते, तोपर्यंत ते योग्य आहे; परंतु ज्या क्षणी ही निदर्शने धर्माच्या मुद्द्याकडे वळतात किंवा ‘नीट’ , पेपरफुटी व ‘एनटीए’ यांच्या मूळ विषयापासून भरकटतात, तेव्हा त्यामागचा उद्देश बदलतो, याबद्दल सावध राहा, असं महाराष्ट्राचे मुख्यमंत्री देवेंद्र फडणवीस यांची कन्या दिविजा फडणवीस म्हणाल्या.