विद्यार्थ्यांचे गुन्हेगार असल्यानेच अमित शाह तोंड लपवत आहेत; राहुल गांधींचा हल्लाबोल

Rahul Gandhi on Amit Shah: संसदेत केंद्रीय गृहमंत्री अमित शाह येत नसल्याने विरोधकांनी मोदी सरकारला चांगलंच घेरलं आहे. जंतर मंतर आंदोलनादरम्यान झालेल्या पोलीस कारवाईवरून विरोधी पक्ष सरकारला कोंडीत पकडलं आहे. गृहमंत्री अमित शाह यांनी सभागृहात या प्रकरणी उत्तर द्यावे, अशी विरोधी पक्षाची मागणी आहे. राम मंदिरातील लूट, पेलेट गनचा वापर आणि जम्मू-काश्मीरला राज्याचा दर्जा पुन्हा देण्याच्या मुद्द्यावर गृहमंत्री अमित शाह यांच्या प्रतिक्रियेच्या मागणीसाठी विरोधी पक्षांनी आंदोलन केले.

गुन्हेगार असल्यानेच तोंड लपवत आहेत

दरम्यान, राहुल गांधी यांनी अमित शाह यांच्यावर हल्ला चढवला आहे. गृहमंत्री विद्यार्थ्यांचे गुन्हेगार असल्याने तोंड लपवत असल्याचा हल्लाबोल राहुल गांधी यांनी ट्विट करत केला. जंतर मंतर आंदोलकांवरील “पोलीस कारवाई”, अयोध्या राम मंदिरातील राजरोस लूट आणि इतर मुद्द्यांवरून केंद्रीय गृहमंत्री अमित शाह यांच्या विरोधात निषेध करण्यासाठी विरोधी पक्षनेते राहुल गांधी, खासदार प्रियांका गांधी आणि इतर विरोधी खासदारांनी गांधी पुतळ्यापासून मकर द्वारपर्यंत मोर्चा काढला. विरोधी पक्षांनी पंतप्रधान आणि गृहमंत्री यांच्याकडून सभागृहात उत्तरांची मागणी केली आहे.

सत्ताधारी पक्ष पळ काढत आहे

20 जुलै रोजी जंतर मंतर येथील आंदोलनादरम्यान पेलेट गनचा वापर का करण्यात आला, याचे उत्तर केंद्रीय गृहमंत्री अमित शाह यांनी सभागृहात येऊन द्यावे, अशी भूमिका विरोधी पक्षांनी घेतली आहे. पेलेट गन वापरण्याची परवानगी कोणी दिली? याशिवाय, राम मंदिरातील चोरीचा मुद्दाही विरोधी पक्ष उपस्थित करत आहेत. विरोधी पक्षाने आपल्या मोर्चादरम्यान एक प्रतिकात्मक दानपेटीही ठेवली. राज्यसभेतील विरोधी पक्षनेते मल्लिकार्जुन खरगे यांनी पंतप्रधान आणि गृहमंत्री यांनीही सभागृहात येऊन निवेदन द्यावे, अशी मागणी केली. ते म्हणाले, “पंतप्रधान आणि गृहमंत्री यांनी सभागृहात येऊन उत्तरे दिली पाहिजेत. चर्चा झाल्यास आम्ही सहभागी होण्यास तयार आहोत. केवळ चर्चेतूनच तोडगा निघू शकतो.” जर गृहमंत्री उत्तर देणार नाहीत, तर तो सभागृहाचा अपमान मानला जाईल. विरोधी पक्ष चर्चेसाठी तयार आहे, परंतु सत्ताधारी पक्ष त्यापासून पळ काढत असल्याचा टोलाही त्यांनी लगावला.