पिस्तुलाची तपासणी करत असताना गोळीबार : शिवसेना नेते कमलेश राय यांना घेतले ताब्यात
वृत्तसंस्था
वाराणसी
वाराणसी विमानतळावर रविवारी सकाळी शस्त्र तपासणीदरम्यान एका प्रवाशाकडून गोळीबार झाल्याने एका महिलेसह दोन कर्मचारी जखमी झाले. दोघांनाही उपचारासाठी न्यू लक्ष्मी ट्रॉमा सेंटरमध्ये दाखल करण्यात आले आहे. लाल बहादूर शास्त्राr आंतरराष्ट्रीय विमानतळावर रविवारी सकाळी शिवसेना नेते कमलेश राय यांच्या परवानाधारक शस्त्राने झालेल्या गोळीबारात दोन विमानतळ कर्मचारी जखमी झाल्यानंतर कायदेशीर कारवाई केली जात आहे. विमानतळ प्रशासन गुन्हा दाखल करण्याच्या तयारीत आहे. पोलिसांना तक्रार मिळाली असून त्यांनी कारवाईची प्रक्रिया सुरू केली आहे. एअरलाईन्सचे कर्मचारी सुनील कुमार सिंग यांनी लेखी तक्रार दाखल केली असून त्यात प्रवाशाच्या परवान्याचा उल्लेख आहे. आता संबंधितांवर निष्काळजीपणाबद्दल कारवाई केली जाईल आणि गंभीर कलमांखाली गुन्हा दाखल केला जाऊ शकतो. याव्यतिरिक्त, त्यांचा शस्त्र परवाना निलंबित करण्याची प्रक्रिया देखील सुरू केली जाऊ शकते.
संशयित आरोपी कमलेश राय हा आझमगडचा रहिवासी असून सध्या मुंबईतील मारोल परिसरात त्याची दोन हॉटेल्स आहेत. तो शिवसेनेकडून चारवेळा नगरसेवक राहिला असून त्याची पत्नीही दोन वेळा नगरसेवक राहिली आहे. त्याचा मुलगाही राजकारणात सक्रिय आहे. तो पूर्वी एक सुरक्षा एजन्सी चालवत होता, परंतु शिवसेनेतील फुटीनंतर तो काँग्रेस पक्षात सामील झाला. तो सध्या शिवसेनेच्या एकनाथ शिंदे गटाचा उपनेता म्हणून कार्यरत आहे.
घटनेनुसार, रविवारी सकाळी लाल बहादूर शास्त्राr आंतरराष्ट्रीय विमानतळाच्या टर्मिनल इमारतीत सुरक्षा तपासणीदरम्यान कमलेश रायच्या परवानाधारक पिस्तुलातून गोळीबार झाला. या गोळीबारात विमानतळाचे दोन कर्मचारी जखमी झाले. एका महिला कर्मचाऱ्याच्या पायाला गोळी लागली, तर एका पुरुष कर्मचाऱ्याच्या हाताला गोळी घासून गेली. दोघांनाही उपचारासाठी कबीरचौरा विभागीय रुग्णालयात पाठवण्यात आले आहे. सुरक्षा यंत्रणांनी कमलेश राय याला ताब्यात घेतले असून त्याची चौकशी सुरू केली आहे. एलआययू आणि आयबीची पथकेही त्याची चौकशी करत आहेत.
Comments are closed.