IND vs SL: भारताने पहिल्या कसोटी सामन्यात श्रीलंकेचा 165 धावांनी पराभव केला. 372 धावांच्या आव्हानाचा पाठलाग करताना श्रीलंकेचा संघ अवघ्या 206 धावांत सर्वबाद झाला. मालिकेतील दुसरा सामना 23 ऑगस्टपासून कोलंबोमध्ये सुरू होणार आहे. या सामन्यासाठी भारताच्या प्लेइंग इलेव्हनमध्ये एका 33 वर्षीय स्टार गोलंदाजाला संधी मिळू शकते. कोलंबो कसोटीत सारांश जैनचे आंतरराष्ट्रीय पदार्पण होण्याची शक्यता आहे.
गाॅल येथे झालेल्या पहिल्या कसोटी सामन्यात टीम इंडियाने तीन फिरकी गोलंदाजांचा समावेश केला होता. संघात कुलदीप यादव, रवींद्र जडेजा आणि मानव सुथार यांचा समावेश होता. मानव सुथारने या सामन्यात 10 बळी घेतले, तर जडेजाने दोन्ही डावांत मिळून 4 बळी घेतले. मात्र, कुलदीप यादवला केवळ एकच बळी घेता आला.
वृत्तानुसार, 33 वर्षीय सारांश जैनला श्रीलंकेविरुद्धच्या दुसऱ्या कसोटीत खेळण्याची संधी मिळू शकते. तो प्लेइंग इलेव्हनमध्ये कुलदीप यादवची जागा घेण्याची शक्यता आहे, कारण गाॅल येथील फिरकीला अनुकूल असलेल्या खेळपट्टीवरही कुलदीप अपेक्षित कामगिरी करू शकला नाही.
पहिल्या कसोटीतील दोन्ही डावांत मिळून कुलदीपने एकूण 25 षटके गोलंदाजी केली. ज्यात त्याने 103 धावा दिल्या आणि केवळ एक बळी घेतला.
सारांश जैन हा मध्य प्रदेशचा असून तो देशांतर्गत क्रिकेटमध्ये राज्याच्या संघाकडून खेळतो. त्याने आपल्या प्रथम श्रेणी कारकिर्दीत आतापर्यंत 188 बळी घेतले आहेत. याव्यतिरिक्त, त्याने फलंदाजी करताना 2223 धावा केल्या आहेत. सारांश हा एक अष्टपैलू खेळाडू आहे जो फलंदाजी आणि गोलंदाजी अशा दोन्ही मध्ये योगदान देतो. प्रथम श्रेणी क्रिकेटमध्ये त्याच्या नावावर दोन शतके आणि 14 अर्धशतके आहेत.
आता सर्वांचे लक्ष याकडे लागले आहे की, त्याला श्रीलंकेविरुद्धच्या दुसऱ्या कसोटी सामन्यात संधी मिळेल का आणि तो आंतरराष्ट्रीय क्रिकेटमध्ये पदार्पण करेल का.
Comments are closed.