पार्लरमध्ये जाण्यासाठी वेळ नाही? स्वयंपाकघरातील 'या' घटकांचा वापर केल्याने त्वचा कायम ताजी आणि चमकदार राहते

चेहऱ्यावर हरवलेली चमक वाढवण्यासाठी महिला सतत काहीतरी करत असतात. परंतु वातावरणात सतत होणारे बदल आणि रासायनिक पदार्थांच्या वारंवार वापरामुळे त्वचेच्या समस्या मोठ्या प्रमाणात वाढू लागतात. चेहऱ्यावर मुरुम, मोठे फोड, सुरकुत्या किंवा बारीक पुरळ दिसू लागल्यानंतर, त्वचा निस्तेज होते आणि त्वचेच्या समस्या अधिक व्यापक होतात. पण कामाच्या गर्दीत पार्लरला जायला वेळ मिळत नाही. अशावेळी किचनमध्ये उपलब्ध घटकांचा वापर करून तुम्ही त्वचेची चमक वाढवण्यासोबतच त्वचेची काळजी घेऊ शकता. दही, मध, ओट्स, काकडी, कोरफड, बेसन, हळद, गुलाबपाणी, दूध आणि तांदळाचे पीठ नेहमी स्वयंपाकघरात उपलब्ध असते. या पदार्थांच्या वापरामुळे त्वचेच्या समस्या कमी होण्यास मदत होते.(छायाचित्र सौजन्य – istock)

एका महिन्यात त्वचा सुंदर होईल! चेहऱ्यावरील चमक वाढवण्यासाठी हे आरोग्यदायी पेय नियमित प्या, गणेशोत्सवात तुम्ही सुंदर दिसाल

त्वचेवर हरवलेला चमक परत मिळवण्यासाठी महागड्या केमिकल उत्पादनांचा कायम वापर करण्याची गरज नाही. एका भांड्यात दही, चिमूटभर हळद आणि गुलाबपाणी एकत्र करून बनवलेला फेस पॅक चेहऱ्यावर लावल्यास त्वचेवर जमा झालेली मृत त्वचा निघून जाईल आणि धूळ, घाण आणि अतिरिक्त तेल कमी होईल. गुलाब पाण्यातील फायदेशीर गुणधर्म त्वचेला आतून स्वच्छ करण्यास मदत करतात. जर तुमची त्वचा खूप कोरडी असेल तर तुम्ही दह्याच्या मिश्रणात मध किंवा दूध मिसळून लावू शकता. यामुळे चेहऱ्यावरील कोरडेपणा कमी होऊन त्वचा मुलायम राहते. दही त्वचेत आर्द्रता टिकवून ठेवते. त्यामुळे फेसपॅक बनवताना दही वापरावे.

संवेदनशील त्वचा असलेल्या महिलांनी स्किन केअर प्रोडक्ट किंवा स्किन केअर रूटीन फॉलो करताना पॅच टेस्ट करावी. पॅच टेस्ट घेतल्याने तुमच्या त्वचेसाठी कोणते उत्पादन किंवा पदार्थ योग्य आहे हे समजण्यास मदत होईल. त्वचेतील वाढलेली उष्णता कमी करण्यासाठी काकडीचा रस, कोरफडीचे जेल किंवा बटाट्याचा वापर करावा. उन्हामुळे निस्तेज झालेली त्वचा पुन्हा टवटवीत करण्यासाठी एलोवेरा जेलचा वापर करावा. याशिवाय तांदळाचे पीठ, दही आणि मध इत्यादी त्वचेवर लावल्याने त्वचा मुलायम राहते. त्वचेवर खाज, जळजळ, लालसरपणा किंवा पुरळ असल्यास, वैद्यकीय सल्ला घ्या.

केसांची निगा: सकाळी की रात्री? केसांना तेल कधी लावायचे? केसांना तेल लावण्याची योग्य वेळ जाणून घ्या

घरगुती उपायांचा योग्य वापर केल्यास पार्लरमध्ये जाण्याची किंवा महागडे उपचार करण्याची अजिबात गरज नाही. त्वचेची वरून काळजी घेण्यासोबतच आतून काळजी घेणेही तितकेच गरजेचे आहे. त्यामुळे भरपूर पाणी, पौष्टिक आहार, पुरेशी झोप घ्या. याशिवाय उन्हात किंवा कुठेही बाहेर जाताना चेहऱ्यावर सनस्क्रीन लावावे. सनस्क्रीन लावल्याने सूर्याच्या हानिकारक किरणांपासून त्वचेचे संरक्षण होते आणि टॅनिंग वाढत नाही. त्वचेची टॅनिंग कमी करण्यासाठी घरगुती उपाय प्रभावी आहेत.

टीप – हा लेख फक्त सामान्य माहितीसाठी लिहिला आहे आणि कोणत्याही प्रकारचा इलाज असल्याचा दावा करत नाही. कोणताही उपाय करण्यापूर्वी तुमच्या डॉक्टरांचा सल्ला घ्या.