CEC ज्ञानेश कुमार यांच्यावर केजरीवालांचा मोठा हल्ला, राजीनाम्याची मागणी, मतदार यादीतून १३ कोटी नावे वगळण्याचा दावा

भारतीय निवडणूक आयोग: आम आदमी पक्षाचे राष्ट्रीय संयोजक अरविंद केजरीवाल यांनी मुख्य निवडणूक आयुक्त (CEC) ज्ञानेश कुमार यांच्या राजीनाम्याची मागणी केली आहे. निवडणूक आयोगाच्या कार्यपद्धतीवर प्रश्नचिन्ह उपस्थित करताना त्यांनी अनेक आरोप केले.

केजरीवाल म्हणाले की, सीईसी ज्ञानेश कुमार यांना अटक करून त्यांच्यावर देशद्रोहाचा गुन्हा दाखल करावा. त्यांनी दावा केला की, ज्ञानेश कुमार एकटेच आदेश जारी करत आहेत आणि मंजुरीशिवाय जारी केलेले सर्व आदेश बेकायदेशीर आहेत.

सर्व निवडणुका रद्द करा – केजरीवाल

त्यांनी SIR (Special Intensive Revision) प्रक्रियेबाबतही प्रश्न उपस्थित केले. केजरीवाल यांनी दावा केला की SIR अंतर्गत मतदार यादीतून 13 कोटी मतदारांची नावे काढून टाकण्यात आली असून ही संपूर्ण प्रक्रिया रद्द करण्यात यावी. अरविंद केजरीवाल यांनी मागच्या वर्षांत झालेल्या सर्व निवडणुका रद्द करण्याची मागणी केली. त्यांच्या वक्तव्यावर निवडणूक आयोग आणि इतर राजकीय पक्षांची प्रतिक्रिया येणे बाकी आहे.