“हा माणूस राक्षस आहे आणि…”, डोनाल्ड ट्रम्प यांनी केले गुगलचे CEO सुंदर पिचाई यांचे अजब कौतुक, व्हिडीओ व्हायरल

अमेरिकेचे राष्ट्राध्यक्ष डोनाल्ड ट्रम्प यांनी तंत्रज्ञान क्षेत्रातील दिग्गज आणि गुगलचे मुख्य कार्यकारी अधिकारी (सीईओ) सुंदर पिचाई यांचा मॉन्स्टर अर्थात राक्षस असा उल्लेख केला आहे. व्हॉईट हाऊसमध्ये एआय क्षेत्रातील प्रमुख उद्योजकांसोबत आयोजित बैठकीदरम्यान ट्रम्प यांनी हे विधान केले. ट्रम्प यांनी केलेल्या विधानाचा व्हिडीओ सध्या सोशल मीडियावर प्रचंड व्हायरल होत आहे.

व्हॉईट हाऊसच्या वेस्ट विंगबाहेर पत्रकारांशी बोलताना ट्रम्प यांनी पिचाई यांची ओळख करून दिली. हा माणूस एक मॉन्स्टर आहे आणि हे कोणालाच माहिती नाही, अशा शब्दांत ट्रम्प यांनी पिचाई यांचे कौतुक केले. विशेष म्हणजे या बैठकीला सुंदर पिचाई यांच्यासह मेटाचे सीईओ मार्क जुकरबर्ग आणि अँथ्रोपिकचे सीईओ डारिओ अमॉडेई उपस्थित होते. प्रगत एआय यंत्रणांच्या सुरक्षिततेसाठी आणि त्यावर देखरेखीसाठी एका ऐच्छिक नियमावलीवर स्वाक्षरी करण्यासाठी हे सर्व दिग्गज एकत्र आले होते.

🚨😂 व्हाईट हाऊसच्या बाहेर कॉमेडीक गोल्ड!

🇺🇸 ट्रम्प: “सुंदर [Pichai]तुला काही बोलायचे आहे का?

🇮🇳 पिचाई: “सर्वप्रथम, धन्यवाद—”

😂 ट्रम्प: “हा माणूस एक मॉन्स्टर आहे, आणि त्याला कोणीही ओळखत नाही. किती छान आयुष्य आहे! मॉन्स्टर होण्यासाठी आणि यातून जाण्याची गरज नाही. तुम्हाला सर्व माहित असणे आवश्यक आहे… pic.twitter.com/pIAP5vg4oN

— Wiki Leaks 2 (@WikiLeaksQ2) 29 सप्टेंबर 2026

आम्ही एआय तंत्रज्ञानाच्या विकासासाठी आवश्यक प्रक्रिया आणि नियंत्रणांचा स्वीकार करत आहोत. ज्याप्रमाणे कंपन्यांमध्ये आर्थिक नियंत्रणे असतात, अगदी तशाच प्रकारच्या सर्वोत्तम आणि मानक पद्धती आम्ही सुपरइंटेलिजन्सच्या विकासात लागू करत आहोत, असे या कराराविषयी माहिती देताना सुंदर पिचाई म्हणाले.

या करारामध्ये अंतर्गत जोखीम पुनरावलोकन, बाह्य ऑडिटिंग आणि कंपनीच्या संचालक मंडळाद्वारे स्वतंत्र पुनरावलोकनाचा समावेश आहे, असे मेटाचे सीईओ मार्क जुकरबर्ग यांनी सांगितले. या तंत्रज्ञानात काही वास्तविक धोके नक्कीच आहेत आणि त्यावर उपाय शोधण्यासाठी चर्चा सुरू आहे, असे म्हणत अँथ्रोपिकचे सीईओ डारिओ अमॉडेई यांनी एआय तंत्रज्ञानातील धोक्यांकडे लक्ष वेधले.

‘सुपर इंटेलिजन्स’ करारावर स्वाक्षरी

बैठकीनंतर सुंदर पिचाई यांनी सोशल मीडियावर पोस्ट शेअर करत या ऐतिहासिक बैठकीची माहिती दिली. आम्ही आज राष्ट्राध्यक्षांसोबत अत्यंत महत्त्वाची चर्चा केली आणि व्हॉईट हाऊसच्या अ‍ॅकॉर्ड ऑन सुपर इंटेलिजन्स करारावर स्वाक्षरी केली. गुगलने गेल्या दोन वर्षांत या तंत्रज्ञानामध्ये अब्जावधी डॉलर्सची गुंतवणूक केली आहे. आम्ही जबाबदारीने नवसंशोधन करण्यासाठी, योग्य चाचण्या आणि मूल्यमापन करूनच उत्पादने बाजारात आणण्यासाठी कटिबद्ध आहोत, असे पिचाई यांनी आपल्या पोस्टमध्ये नमूद केले.

@POTUS, @JDVance, @SpeakerJohnson आणि Administration + टेक नेत्यांना भेटून आज आनंद झाला. महत्त्वाचे संभाषण आणि आम्ही आज व्हाईट हाऊसच्या सुपर इंटेलिजन्स करारावर स्वाक्षरी केली.

मी आज सामायिक केल्याप्रमाणे, Google ने अमेरिका आणि जगासाठी फायदे वितरीत करण्यासाठी, संपूर्ण स्टॅकमध्ये, फक्त गेल्या दोन वर्षांत शेकडो अब्जावधींची गुंतवणूक केली आहे. आम्ही उत्पादने तयार करण्यासाठी काम करत आहोत जे लोक आणि व्यवसायांसाठी वास्तविक मूल्य देतात, स्थानिक समुदायांमध्ये गुंतवणूक करतात आणि तंत्रज्ञानावर विश्वास निर्माण करतात.

उद्योगांनाही जबाबदारीने नवनिर्मिती करावी लागते. Google ने योग्य चाचणी, मूल्यमापन, रेड-टीमिंग आणि गैरवापर आणि चुकीचे संरेखन विरूद्ध इतर सुरक्षा उपायांसह योग्य मार्ग तयार करण्यावर लक्ष केंद्रित केले आहे – आणि मॉडेल्स किंवा उत्पादनांचे संपूर्ण पुनरावलोकन केल्यानंतरच ते जारी करणे.

आम्ही निकष प्रस्थापित करण्यासाठी आणि लोकांचा विश्वास निर्माण करण्यासाठी उद्योगातील इतर नेत्यांसोबत काम करण्यास वचनबद्ध आहोत. व्हाईट हाऊस करार आणि सीमावर्ती जबाबदाऱ्यांवर आज स्वाक्षरी केलेली संयुक्त वचनबद्धता हा पुढे जाण्यासाठी एक भक्कम आधार आहे – त्यात या तंत्रज्ञानाचे आर्थिक आणि वैज्ञानिक फायदे देताना सुरक्षित विकासाला चालना देण्यासाठी वास्तविक मूर्त पावले आहेत.

— सुंदर पिचाई (@सुंदर पिचाई) 30 सप्टेंबर 2026