पाकिस्तानात भूकंपाचे धक्के, अफगाणिस्तानातही पृथ्वी पुन्हा हादरली

एनसीएसनुसार, शनिवारी सकाळी 10:37 वाजता लोकांना भूकंपाचे जोरदार धक्के जाणवले. मध्य बलुचिस्तानमधील खुजदार शहराजवळ जमिनीच्या 15 किलोमीटर खोलीवर भूकंपाचा केंद्रबिंदू असल्याचे सांगण्यात आले. भूकंपाची तीव्रता रिश्टर स्केलवर 5.8 इतकी नोंदवण्यात आली. भूकंपानंतर नागरिकांमध्ये भीतीचे वातावरण आहे. हालचाल जाणवताच लोक घराबाहेर पडून मोकळ्या जागेकडे धावले.

गेल्या काही काळापासून पाकिस्तानच्या आसपासच्या भागात भूकंपाचे अनेक धक्के जाणवत आहेत. विशेषतः अफगाणिस्तानच्या भागात. अफगाणिस्तानमध्ये या महिन्यात अनेकदा भूकंपाचे धक्के जाणवले. 1 ऑक्टोबर रोजीही अफगाणिस्तानात 5.3 रिश्टर स्केलचे जोरदार धक्के जाणवले होते. मात्र, या भूकंपात कुठलीही हानी झाल्याची माहिती नाही.

यापूर्वी 7 सप्टेंबर रोजी पहाटे 5.36 वाजता भूकंपाचे धक्के जाणवले होते. भूकंपाची तीव्रता रिश्टर स्केलवर 4.1 इतकी मोजण्यात आली. नॅशनल सेंटर फॉर सिस्मॉलॉजीनुसार, भूकंपाचा केंद्रबिंदू जमिनीपासून 130 किलोमीटर खोलीवर होता. भूकंपामुळे कोणतीही हानी झाल्याचे वृत्त नाही.

ऑगस्टमध्येच पूर्वेकडील नांगरहार प्रांतात लोकांना भूकंपाचे धक्के बसले होते. भूकंपाची तीव्रता रिश्टर स्केलवर 4.9 इतकी मोजली गेली. यादरम्यान भूकंपाचे जोरदार धक्के बसल्याने १५ जण जखमी झाले.

या वर्षी जून महिन्यातही अफगाणिस्तानात भूकंपाचे धक्के जाणवले. 27 जून रोजी 7:19 मिनिटे आणि 51 सेकंदांनी लोकांना 6.2 तीव्रतेच्या भूकंपाचे धक्के जाणवले. दिल्ली, जम्मू-काश्मीर आणि उत्तर भारतातील इतर अनेक राज्यांवरही याचा परिणाम झाला. येथेही लोकांना भूकंपाचे धक्के जाणवले.