भारतीय संघ आता न्यूझीलंड दौऱ्यावर जाणार आहे. भारतीय निवड समितीने या दौऱ्यात खेळल्या जाणाऱ्या तिन्ही प्रकारच्या (टी२०, एकदिवसीय, कसोटी) सामन्यांसाठी संघ जाहीर केले आहेत. या दौऱ्याची सुरूवात टी२० मालिकेने होणार असून पहिला सामना २२ ऑक्टोबर रोजी खेळला जाणार आहे. पाच सामन्यांची ही टी२० मालिका असल्याने आणि व्यस्त वेळापत्रकामुळे या मालिकेच्या सरावाला पुरेसा वेळ मिळणार नाही, असे वक्तव्य भारतीय विकेटकीपर-फलंदाज संजू सॅमसनने केले.
भारताला नुकतेच घरच्या मैदानावर पार पडलेल्या वेस्ट इंडिजविरुद्धच्या ५ सामन्यांच्या टी२० मालिकेत २-२ असे समाधान मानावे लागले. आता भारत न्यूझीलंड दौऱ्यावर जाणार आहे. या मालिकेच्या तयारीबाबत संजू म्हणाला, खरं सांगायच तर, आजकालच्या वेळापत्रकामुळे सरावासाठी फारसा वेळ मिळत नाही. इथेच अनुभव कामी येतो. तुम्ही सकारात्मक मानसिकतेत राहण्याचा आणि तुमच्याकडे असलेल्या वेळेचा पुरेपूर उपयोग करण्याचा प्रयत्न करता.
आमच्याकडे फलंदाजीच्या सरावासाठी केवळ एकच दिवस आहे. आम्ही न्यूझीलंडला २० तारखेला पोहोचू, २१ तारखेला सराव करू आणि २२ तारखेला सामना खेळू. त्यामुळे आम्ही इथे ज्या चांगल्या गोष्टी करत आहोत, त्यावरच पुढे प्रगती करण्याचा प्रयत्न करू. परिस्थितीशी जुळवून घ्यायला थोडा वेळ लागतो. त्यामुळे खेळपट्टीचा अंदाज घेण्यासाठी आम्ही २-३ चेंडू घेऊ. आम्ही अनुभवातून जे शिकलो त्याचा उपयोग करू.
भारताच्या या दौऱ्यात अनुभवी वेगवान गोलंदाज भुवनेश्वर कुमारची निवड झाली. तो जवळपास चार वर्षांनंतर राष्ट्रीय संघात परतला.
न्यूझीलंड दौऱ्यातील टी२० मालिकेसाठी भारताचा संघ
श्रेयस अय्यर (कर्णधार), अभिषेक शर्मा, संजू सॅमसन (विकेटकीपर), वैभव सूर्यवंशी, इशान किशन (विकेटकीपर), तिलक वर्मा (उपकर्णधार), अक्षर पटेल, शिवम दुबे, नितीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, वरुण चक्रवर्ती, कुलदीप यादव आणि भुवनेश्वर कुमार.
टी२० मालिकेचे वेळापत्रक
२२ ऑक्टोबर – पहिला सामना
२४ ऑक्टोबर – दुसरा सामना
२७ ऑक्टोबर – तिसरा सामना
३० ऑक्टोबर – चौथा सामना
१ नोव्हेंबर – पाचवा सामना
(“सरावासाठी फक्त एक दिवस,” संजू सॅमसनने 2026 च्या न्यूझीलंड दौऱ्याच्या तयारीबाबत स्पष्टपणे खुलासा केला)
Comments are closed.