अभिनेत्री करूणा वर्मांच्या घरातून दागिने चोरीला; आई-वडिलांच्या लग्नाच्या वाढदिवसाला दिलेल्या सो
मुंबईः अभिनेत्री करूणा वर्मा यांच्या घरात चोरी झाल्याची माहिती समोर आली आहे. करूणा वर्मा यांनी घरात चोरी झाल्याची तक्रार पोलिस ठाण्यात केली आहे. करूणा वर्मा यांनी दिलेल्या तक्रारीनुसार घरात ठेवलेल्या चार सोन्याच्या बांगड्या चोरला गेल्या असल्याची माहिती आहे, तर त्यांनी घरात काम करणाऱ्या मोलकरणीवरती संशय व्यक्त केला आहे. याप्रकरणी बांगूर नगर पोलिसांनी गुन्हा दाखल केला असून तपास सुरू असल्याचे अधिकाऱ्याने सांगितले आहे.
बांगूर नगर पोलीस ठाण्यात तक्रार
अभिनेत्री करूणा वर्मा यांनी बांगूर नगर पोलीस ठाण्यात दिलेल्या तक्रारीनुसार, त्यांच्या घरामधून चार सोन्याच्या बांगड्या चोरीला गेल्या आहेत, त्यांची एकूण किंमत 88 हजार रुपये इतकी आहे. तक्रारीमध्ये अभिनेत्रीने त्यांच्या घरातील घरकाम करणाऱ्या महिलेवर संशय व्यक्त केला आहे. पोलिसांनी अज्ञात व्यक्तीच्या विरोधात गुन्हा नोंदवून तपास सुरू केला आहे.
बांगूर नगर पोलिसांनी या प्रकरणी दिलेल्या माहितीनुसार, अभिनेत्री मालाड पश्चिम येथील एका इमारतीमध्ये राहतात. त्यांच्या आई-वडिलांच्या लग्नाचा 2015 मध्ये 50 वा वाढदिवस होता. त्यावेळी आईने त्यांना सोन्याच्या बांगड्या भेट दिल्या होत्या. त्यांनी त्यांच्या बेडरूपमध्ये एका उघड्या ड्रॉवरमध्ये त्या ठेवल्या होत्या. त्यांनी 9 मार्च रोजी बांगड्या पाहिल्या होत्या. त्यानंतर त्यांनी ड्रॉव्हर तपासला असता त्यात बांगड्या सापडल्या नाहीत. एका महिन्यापूर्वी, अभिनेत्रीने घरकामासाठी मोलकरणी ठेवली होती. अभिनेत्री शुटसाठी बाहेर गेल्यावर ती मोलकरीण घरी एकटीच असायची. बांगूर नगर पोलीस सध्या मोलकरीण शांतीसह आणि इतर काही लोकांची चौकशी करीत आहेत.अभिनेत्री करूणा वर्मा या आठ महिन्यांपूर्वीच मालाड येथील घरात राहायला आल्या आहेत, त्यांनी अनेक मालिकांमध्ये महत्त्वपूर्ण भूमिका केल्या आहेत.
चार बांगड्या चोरीला; प्रत्येक बांगडी 11 ग्रॅम वजनाची
करूणा वर्मा यांनी दिलेल्या तक्रारीनुसार, चार बांगड्या चोरीला गेल्या असून प्रत्येक बांगडी 11 ग्रॅम वजनाची आहे. अभिनेत्रीने 17 मार्च रोजी घरातील ड्रॉव्हरमध्ये बांगड्या शोधल्या. मात्र, त्यांना त्या सोन्याच्या बांगड्या सापडल्या नाहीत. त्यांनी मोलकरणीसह सर्वांकडे बांगड्यांबाबत चौकशी केली. अखेर त्यांनी 17 मार्च रोजी याप्रकरणी बांगूर नगर पोलिसांकडे तक्रार केली. गुन्हा दाखल केल्यानंतर बांगूर नगर पोलिसांनी चौकशीला सुरूवात केली. परिसरातील व इमारतीतील सीसीटीव्ही कॅमेऱ्यातील चित्रणाची तपासणीही करण्यात आली. पण अद्याप कोणतीही ठोस माहिती पोलिसांच्या हाती लागलेली नाही. मोलकरणीचीही चौकशी करण्यात आली असून बांगड्यांबद्दल आपल्याला काहीच माहिती नसल्याचे तिने चौकशीत पोलिसांना सांगितले आहे.
अधिक पाहा..
Comments are closed.