क्रीडा

अभिषेक शर्माचा सगळ्यांसमोर हात खेचला अन्….; तरुणीने हॉटेलमध्ये काय केलं?, VIDEO

By Marathi

अभिषेक शर्मा आरआर वि एसआरएच आयपीएल 2026 व्हिडिओ : आयपीएल 2026 च्या 36व्या सामन्यात सनरायझर्स हैदराबादने राजस्थान रॉयल्सलावर शानदार विजय मिळवला. या विजयात अभिषेक शर्माची भूमिका अत्यंत महत्त्वाची ठरली. 229 धावांच्या लक्ष्याचा पाठलाग करताना त्याने अवघ्या 29 चेंडूंमध्ये 57 धावांची झंझावाती खेळी करत संघाला दमदार सुरुवात करून दिली. जयपूरमध्ये विजय मिळवल्यानंतर हैदराबादचा संघ हॉटेलमध्ये परतला. अभिषेक शर्मा देखील आपल्या सहकाऱ्यांसोबत होता. मात्र, हॉटेलमध्ये त्याच्यासोबत घडलेली एक घटना इतर खेळाडूंपेक्षा वेगळी आणि थोडी धक्कादायक ठरली.

अभिषेक शर्माचा सगळ्यांसमोर हात खेचला अन्….;

हॉटेलमध्ये उभी असलेल्या एका मुलीने अचानक अभिषेकचा हात पकडून त्याला आपल्या दिशेने ओढण्याचा प्रयत्न केला. हा प्रकार अचानक घडल्याने अभिषेक काही क्षण गोंधळून गेला. मात्र, त्याने लगेच स्वतःला सावरले. त्यानंतर हॉटेलच्या कर्मचाऱ्यांनी हस्तक्षेप करत त्या मुलीपासून अभिषेकचा हात सोडवला. या संपूर्ण घटनेचा व्हिडिओ सध्या सोशल मीडियावर व्हायरल होत आहे.

साधारणपणे खेळाडू हॉटेलमध्ये पोहोचल्यावर चाहते बाजूला उभे राहून फोटो किंवा सेल्फी घेण्याची संधी शोधत असतात. ती मुलगीही अशाच पद्धतीने उभी होती. पण अभिषेक दिसताच तिने अचानक त्याचा हात पकडून ओढण्याचा प्रयत्न केला. असेही सांगितले जात आहे की, त्या वेळी तिचा बॉयफ्रेंड देखील तिथे उपस्थित होता. या घटनेनंतर अनेक प्रश्न उपस्थित होत आहेत.

दरम्यान, सामन्याबद्दल बोलायचे झाले तर, सनरायझर्स हैदराबादने राजस्थान रॉयल्सला 5 विकेट्सने पराभूत केले. या विजयात ईशान किशन आणि अभिषेक शर्मा यांच्यात झालेल्या दुसऱ्या विकेटसाठीच्या 132 धावांच्या भागीदारीचा मोठा वाटा होता.

हे ही वाचा –

IPL 2026 One Day Record : 986 रन, 59 सिक्स, 16 कॅच सुटल्या…; एका दिवसांत IPL चा इतिहास-भूगोल बदलला, 2026 च्या हंगामात रचना नवा इतिहास

आणखी वाचा

Marathi 599 posts 0 comments
You might also like More from author

Comments are closed.