आधी म्हणाले तिजोरीच्या चाव्या माझ्याकडे, आता सारवासारव करत अजितदादांनी सांगितलं, ‘माझ्यापेक्षा

अजित पवार : ‘तिजोरीच्या चाव्या माझ्याकडे आहेत, निधी मी देतो त्यामुळे घड्याळाला मतदान करा,’ असे विधान उप मुख्यमंत्री अजित पवार (Ajit Pawr) यांनी राष्ट्रवादीच्या (NCP) एका प्रचार सभेत केले होते. यावरून भाजप (BJP) नेत्यांनी अजित पवार यांच्यावर निशाणा साधला होता. आता अजित पवारांनी आपल्या वक्तव्यावर सारवासारव केली आहे. भोर नगरपालिका निवडणूक प्रचारानिमित्त उपमुख्यमंत्री अजित पवार यांची जाहीर सभा पडली. या सभेतून ते बोलत होते.

अजित पवार म्हणाले की, आज लग्नाची तिथ आहे. तुम्हालाही अनेकांना लग्नाला जायचं असेल. मी टप्प्या टप्प्याने बारामती कशी बदलली ते तुम्ही पाहिलं आहे. तुम्ही 2 तारखेला घड्याळाचं चिन्ह दाबून आम्हाच्या उमेदवारांना निवडून द्या. एकदा मला संधी द्या, देऊन बघा.  गेले 25 वर्ष तुम्ही ज्यांना संधी दिली, त्यापेक्षा पुढची 5 वर्ष मला द्या, कामं बघा.  माझं काही बर वाईट व्हायचं ते पुणे जिल्ह्यातच होणार आहे. राज्य चालवत असताना अनेक प्रकारच्या अडचणी येतात. अनेक घटनांमुळे तळपायाची आग मस्तकात जाते. मी आपल्या शहराचे व्हिजन मांडण्यासाठी आलेलो आहे.

Ajit Pawar: मी ओघात बोललो, पण…

इथं आल्यावर माझ्या सारख्याला एका ऊर्जा मिळत असते. उद्या मुख्यमंत्री येतील. ते त्यांची भूमिका मांडतील. पण, तुम्ही विचार करा. मी शब्दाचा पक्का आहे. मी कामाचा माणूस आहे. ठिक आहे मी परवा कुठं तरी बोललो की,  तिजोरीची चावी माझ्याकडे आहे. मी ओघात बोललो. पण लगेच मीडियावाले.. माझ्या पेक्षा जास्त अधिकार मुख्यमंत्री यांच्याकडे आहे हे मी मान्य करतो. पण माझ्याकडे जे अधिकार आहेत, त्याने तर मी प्रयत्न करणार, असे म्हणत अजित पवार यांनी त्यांच्या विधानावर सारवासारव केल्याचे दिसून आले.

Ajit Pawar: मी बेरजेचे राजकारण करतो

अजित पवार पुढे म्हणाले की, मी दिलेल्या उमेदवारांकडे तुम्ही नजर टाका आणि त्यांनी दिलेल्या उमेदवारांकडे एक नजर टाका. आज 200 लोक नगराध्यक्ष पदाचे उमेदवार असलेल्या रामचंद्र आवारे यांच्याकडे कामं करतात. त्यांच्यावर एक डाग नाही. मी बेरजेचे राजकारण करतो. मी मोकळीक देतो. तुम्ही ज्यांना पुणे जिल्हा बँकेवर निवडून दिले आहे, ते किती वेळा बँकेच्या मिटिंगला हजर असतात, असे म्हणत त्यांनी संग्राम थोपटे यांच्यावर टीका केली.

Ajit Pawar: मी दोन नंबर धंदेवाले उमेदवार दिलेले नाहीत

ज्यांना उमेदवारी नाही मिळाली, त्यांनी नाराज होऊ नये. त्यांचा मी दुसरीकडे कुठं तरी विचार करेल. निवडून दिल्यावर मी कुठं लुडबुड करणार नाही. त्यांचे उमेदवार कसे ते तुम्ही ओळखा. मी दोन नंबर धंदेवाले उमेदवार दिलेले नाहीत. तुम्ही बघा कोणी दिलेत. मी कोणी दिले म्हणालो नाही. पण, तुम्ही बघा कोणी दिलेत, असे म्हणत अजित पवार यांनी भाजप आणि थोपटे यांनी दोन नंबरचे धंदेवाले उमेदवार दिल्याचे अप्रत्यक्षपणे सांगितले.

आणखी वाचा

Mahayuti clash: मोठी बातमी: महायुतीमध्ये अंतर्गत नाराजी, दिल्लीच्या बैठकीला अजितदादांच्या खासदारांची गैरहजेरी, राजकीय वर्तुळात चर्चांना उधाण

आणखी वाचा