महाराष्ट्रात रमीला राजमान्यता द्या, तातडीने अध्यादेश काढा! पॉप-अप आल्यावर डोकं कशाला खाजवायला ल

मॅनक्राव कोकाटे वर अंबडास डॅनवे: कृषीमंत्री माणिकराव कोकाटे (Manikrao Kokate) यांचा विधिमंडळात मोबाईलमध्ये रमी गेम खेळतानाचा व्हिडिओ राष्ट्रवादी शरद पवार गटाचे आमदार रोहित पवार यांनी ट्विट केल्याने कोकाटे चांगलेच अडचणीत आले आहे. या व्हिडीओवरून कोकाटेंवर मोठ्या प्रमाणावर टीका होत आहे, अशातच आज माणिकराव कोकाटेंनी पत्रकार परिषदेमध्ये पुन्हा एकदा स्पष्टीकरण देताना म्हटलं की, हा छोटा विषय आहे. हा विषय एवढा लांबला का? हे कळत नाही. ऑनलाइन रमी तुम्हाला माहिती आहे का? त्याला बँकेचे खाते जोडावे लागते. माझा असा कोणताही मोबाईल नंबर आणि बँक अकाऊंट ऑनलाईन रमीच्या अॅप्लिकेशनला जोडलेला नाही. कुठेही चौकशी करा. ज्या दिवसापासून ऑनलाईन रमी सुरु झाली आहे, तेव्हापासून मी एक रुपयाची रमी खेळलेली नाही. किंबहुना मला रमी खेळताच येत नाही. यावरती शिवसेना ठाकरे गटाचे नेते अंबादास दानवे यांनी कोकाटेंवर हल्लाबोल केला आहे.

रमी खेळताना डोकं खाजवत होते

अंबादास दानवे यांनी याप्रकरणी बोलताना म्हटलं की, कृषीमंत्री यांनी कबुल केलं पाहिजे की रमी खेळत होतो. रमी खेळताना डोकं खाजवत होते, ⁠पाॅपाॅपसाठी डोकं खाजवायला लागत का? तुम्ही कृषी मंत्री आहात.मुख्यमंत्री हातभल झाले आहेत. अजित पवार यांचा वाढदिवस त्यांनी कोकाटे याचा राजीनामा घेऊन गिफ्ट करावा त्याचबरोबर रमीला राजमान्यता द्यावी. ⁠तसा अध्यादेश काढावा. ⁠बिनधास्त रमी खेळावी. त्यांनी बिनधास्त कोर्टात जावं. कृषी मंत्री असंवेदनशील असेल तर शेतकऱ्यांचा वाली कोण? इतर राज्यात रमीवर बंदी असेल तर आपल्याकडे ही बंदी केली पाहिजे. महाराष्ट्राच्या इज्जतीची लक्तरे टांगली आहेत. महाराष्ट्रातील एक ही मंत्री समाधानकारक काम करु शकत नाही, ⁠तुम्ही रमी खेळत होते की नव्हते हा मुद्दा आहे, झुम करुन पाहिलं तर कळेल ते कोणते पत्ते खेळत होते असंही पुढे अंबादास दानवे यांनी म्हटलं आहे.

स्पष्टीकरण देताना काय म्हणालेत कोकाटे?

रमी खेळायला त्याला बँकेचे खाते जोडावे लागते. माझा असा कोणताही मोबाईल नंबर आणि बँक अकाऊंट ऑनलाईन रमीच्या अॅप्लिकेशनला जोडलेला नाही. कुठेही चौकशी करा. ज्या दिवसापासून ऑनलाईन रमी सुरु झाली आहे, तेव्हापासून मी एक रुपयाची रमी खेळलेली नाही. किंबहुना मला रमी खेळताच येत नाही. त्यामुळे माझ्यावरील आरोप बिनबुडाचा आहे. यामुळे माझी महाराष्ट्रात बदनामी झाली आहे. कारण असताना ऑनलाईन रमीचा जो आरोप केला आहे, ज्या राजकीय नेत्यांनी आरोप केला आहे, ज्यांना माझी बदनामी केली आहे, त्यांना कोर्टात खेचल्याशिवाय मी राहणार नाही, असा इशारा त्यांनी यावेळी विरोधकांना दिला आहे

मी त्यादिवशी सभागृहात होतो, माझं काम होतं. मला माझ्या ओएसडीकडून माहिती हवी असेल तर मला एसएमएस किंवा फोन करावा लागतो. त्यांना सभागृहात आत येत नाही. त्यासाठी मी एक मोबाईल मागवला होता. मोबाईल उघडल्यावर त्याच्यावर तो गेम आला, त्या गेमचा सारखा पॉप-अप येतो. तो मला स्कीप करता आला नाही. तो मोबाईल माझ्यासाठी नवीन होता म्हणून मला गेम स्कीप करायला वेळ लागला. पण मी गेम स्कीप केल्याचा व्हिडिओ तुमच्यापर्यंत आलाच नाही, तो तुम्ही दाखवलाच नाही. मोबाईलवर एकच गेम येत नाही, वेगवेगळे गेम येतात. 30 सेकंद गेम स्कीप करता येत नाही. माझा व्हिडिओ 11 सेकंदांचा आहे. त्यावरुन आरोप-प्रत्यारोप सुरु झाले. पूर्ण व्हिडीओ दाखवला असता तर माझ्यावरील आरोपांमध्ये काहीही तथ्य नाही, हे स्पष्ट झाले असते, असंही ते पुढे म्हणालेत.

आणखी वाचा