इंग्लंड आणि वेल्स क्रिकेट बोर्डाने (ECB) न्यूझीलंडविरुद्धच्या तीन सामन्यांच्या मालिकेतील तिसऱ्या आणि शेवटच्या कसोटीसाठी (25 जून, नॉटिंघम) आपला संघ जाहीर केला आहे. या संघात बेन स्टोक्सचे (Ben Stokes) पुनरागमन झाले असून, त्याच्याकडे पुन्हा कर्णधारपदाची जबाबदारी सोपवण्यात आली आहे.
मालिकेतील पहिल्या सामन्यातील विजयानंतर, बेन स्टोक्स आणि वेगवान गोलंदाज गस एटकिंसन (Gus Atkinson) हे दोघे नाईटकर्फूचे उल्लंघन करून नाईटक्लबमध्ये गेले होते, जिथे एक वाद झाला होता. या तपासणीमुळे त्यांना दुसऱ्या कसोटीतून बाहेर ठेवण्यात आले होते. या प्रकरणी दोन्ही खेळाडूंनी कराराच्या अटींचे उल्लंघन केल्यामुळे त्यांना लेखी ताकीद देण्यात आली आहे. मात्र, नाईटक्लबमधील मारामारीत स्टोक्सचा कोणताही सहभाग नव्हता आणि त्याने काहीही पाहिले नाही, असे ईसीबीने स्पष्ट केले. तसेच, गस एटकिंसन याच्यावर विनाकारण हल्ला झाला होता आणि त्याने प्रत्युत्तरादाखल कोणतीही हिंसा केली नव्हती, असे तपासात समोर आले आहे. आता तपास पूर्ण झाल्यामुळे या दोन्ही खेळाडूंचा संघात समावेश करण्यात आला आहे.
तिसऱ्या कसोटीसाठी इंग्लंडचा संघ: बेन स्टोक्स (कर्णधार), रेहान अहमद, जोफ्रा आर्चर, गस एटकिंसन, शोएब बशीर, जॅकब बेथेल, हॅरी ब्रूक, जॉर्डन कॉक्स, बेन डकेट, मॅथ्यू फिशर, एमिलियो गे, ओली रॉबिन्सन, जो रूट, जेमी स्मिथ आणि जोश टंग
मालिकेतील पहिला सामना लॉर्ड्सवर झाला, जो इंग्लंडने 115 धावांनी जिंकला होता. मात्र, केनिंग्टन ओव्हलवर झालेल्या दुसऱ्या सामन्यात न्यूझीलंडने 253 धावांनी शानदार विजय मिळवून मालिका 1-1 अशी बरोबरीत आणली आहे. त्यामुळे आता मालिकेचा निकाल लागण्यासाठी तिसरा कसोटी सामना दोन्ही संघांसाठी अत्यंत महत्त्वाचा आहे.
Comments are closed.