आयपीएल स्पर्धेत 5 वेळा चॅम्पियन ठरलेली मुंबई इंडियन्सची टीम या हंगामात प्लेऑफच्या शर्यतीतून बाहेर होण्याच्या मार्गावर असून त्यांच्या पुढचा मार्ग अवघड आहे.पण मुंबई (MI) अजूनही प्लेऑफमध्ये जाऊ शकते, पण त्यांची वाट कठीण झाली आहे. आज मुंबईचा सामना लखनऊ सुपर जायंट्सशी (MI vs LSG) होणार आहे, जो दोन्ही संघांसाठी ‘करो या मरो’च्या सामन्यापेक्षा कमी नाही. विशेषतः मुंबईबद्दल बोलायचे झाले तर, या कठीण परिस्थितीत प्लेऑफमध्ये जाण्याचा सोपा रस्ता काय आहे? नेमकं कसलं जोड-तोड करून मुंबई प्लेऑफमध्ये जाऊ शकते, जाणून घ्या पूर्ण गणित?
मुंबई इंडियन्सने आतापर्यंत 9 सामन्यांपैकी केवळ दोन विजय नोंदवले आहेत. त्यांचे सध्या 4 गुण आहेत आणि नेट रन रेट -0.803 आहे, जो प्लेऑफमध्ये जाण्याच्या दृष्टीने खूपच खराब आहे. मुंबईला प्लेऑफमध्ये जाण्याचा सर्वात सोपा आणि शेवटचा मार्ग हाच आहे की, त्यांनी त्यांचे उरलेले सर्व ५5सामने जिंकावेत. तरीही, अडचण अशी आहे की, पुढचे सर्व सामने जिंकूनही MI ची अंतिम-4 मध्ये जागा पक्की होणार नाही. कारण मुंबईचा नेट रन-रेट खूप खराब आहे, ज्यामध्ये त्यांना सुधारणा करण्याची कडक गरज आहे. पुढचे 5 सामने जिंकून आणि नेट रन-रेट सुधारूनही त्यांचे क्वालिफिकेशन निश्चित नसेल. याचे कारण असे की, 14 गुण मिळवणे म्हणजे सुरक्षित क्वालिफिकेशनचा मानक नाही. त्यामुळे 14 पॉईंट्स जमा केल्यानंतरही मुंबईला आशा करावी लागेल की इतर सामन्यांचे निकाल त्यांच्या हिताचे लागतील. हे समीकरण सांगते की मुंबईसाठी काहीही सोपे नाही, शेवटचा रस्ता हाच आहे की त्यांनी आपले सर्व सामने जिंकावेत.
आज मुंबई इंडियन्सची टीम लखनऊ सुपर जायंट्सशी भिडणार आहे. त्यानंतर 10 मे रोजी रॉयल चॅलेंजर्स बेंगळुरूचे आव्हान पार करणे त्यांच्यासाठी सोपे नसेल. त्यानंतर 14 मे रोजी सध्याचे टेबल टॉपर पंजाब किंग्सशी त्यांची गाठ पडेल. तर 20 मे रोजी कोलकाता नाईट रायडर्स आणि 24 मे रोजी लीग स्टेजमधील त्यांचा शेवटचा सामना राजस्थान रॉयल्स विरुद्ध असेल.
Comments are closed.