अशोक खरातच्या भविष्यवाणीनुसार ‘तो’ आमदार तितक्याच मार्जिनने निवडून आला अन् दोन कार्यकर्त्यांच्य

अशोक खरात: भोंदूबाबा अशोक खरात (Ashok Kharat) याच्या काळ्या कारनाम्यांचा तपास पोलीस करत असतानाच आता नवनवीन खुलासे समोर येत आहेत. सिन्नर एमआयडीसीचे चेअरमन नामकर्ण आवारे यांनी 2012 साली लिहिलेल्या ‘असा मी नामकर्ण’ या आत्मचरित्रातील एका लेखामुळे राजकीय वर्तुळात मोठी खळबळ उडाली आहे. या पुस्तकात खरात याने 1999 च्या निवडणुकीबाबत वर्तवलेली भविष्यवाणी आणि दोन कार्यकर्त्यांच्या मृत्यूचा थरार शब्दबद्ध करण्यात आला आहे.

Ashok Kharat: पुस्तकातील ‘तो’ 13 पानांचा लेख चर्चेत

नामकर्ण आवारे यांच्या अभिष्टचिंतन सोहळ्यानिमित्त प्रकाशित झालेल्या या आत्मचरित्रात पान नंबर 182 ते 194 दरम्यान ‘सिद्ध पुरुषांच्या सहवासात’ या शीर्षकाखाली अशोक खरातचा उल्लेख आहे. खरातच्या पहिल्या भेटीपासूनचा संपूर्ण प्रवास यात विस्तारून मांडला आहे.

Ashok Kharat: 1999 ची निवडणूक आणि खरातची भविष्यवाणी

पुस्तकातील दाव्यानुसार, तत्कालीन उमेदवार माणिकराव कोकाटे यांच्या प्रचाराचे काम नामकर्ण आवारे करत होते. त्यावेळी प्रचारादरम्यान वाद झाल्याने सिन्नर पोलीस ठाण्यापर्यंत हा वाद पोहोचला होता. हा वाद मिटवण्यासाठी त्या ठिकाणी गेले असताना अशोक खरात त्यांना पहिल्यांदा भेटला. त्यावेळी पोलीस ठाण्यातून बाहेर आल्यावर अशोक खरातने स्वतःहून माझ्यासह इतर पाच सहा जणांना तुम्ही कोकाटेचे कार्यकर्ते आहात का? असा प्रश्न केला.

अशोक खरात : अशोक खरातची भविष्यवाणी

त्याचवेळी काही काळजी करू नका. माणिकराव साधारण 23 हजार 450 मतांनी निवडून येतील, असं भविष्य आम्हाला सांगितलं. मात्र, विजयाचा जल्लोष करता येणार नाही. कारण निवडणुकीनंतर कार्यकर्त्यांच्या गाडीचा अपघात होऊन दोन जणांचा मृत्यू होईल, असे भाकीत देखील अशोक खरातने वर्तविले.

Ashok Kharat: दोन कार्यकर्त्यांच्या मृत्यूचं भाकीत खरं ठरल्याचा दावा

यावेळी अशोक खरात याने आम्हाला सांगितलेल्या गोष्टी आम्ही लिहून घेतल्या व माणिकराव कोकाटे यांना देखील सांगितल्या. त्यानंतर मतदान पार पडले आणि महिन्याभरानंतर झालेल्या मतमोजणीत माणिकराव कोकाटे खरात यांना केलेल्या भविष्यवाणी प्रमाणेच 23, 450 मतांनी निवडून आले, असा उल्लेख या पुस्तकात करण्यात आला आहे. विशेष म्हणजे मतमोजणी होऊन परतत असताना शिंदे गावाजवळ दुर्घटना घडून खरातने सांगितल्याप्रमाणे दोन कार्यकर्त्यांचा जागेवर मृत्यू झाल्याचा देखील उल्लेख या पुस्तकात करण्यात आला आहे.

आणखी वाचा

Ashok Kharat Nashik Crime News: कोर्टात आणताच न्यायमूर्तींनी विचारलं, काही तक्रार आहे का? भोंदूबाबा अशोक खरातचं एका शब्दात उत्तर; म्हणाला…

Ashok Kharat Nashik Court Hearing: अशोक खरात पोलिसांना धड उत्तरं देईना, महिलांचा उल्लेख करताच उडवाउडवीची उत्तरं, सरकारी वकिलांनी कोर्टात काय-काय सांगितलं?

आणखी वाचा