अपहरण झालेल्या पडळकरांच्या कार्यकर्त्याने सांगितली आपबिती, म्हणाला, सात जण आले…

Gopichand Padalkar कामगार शार्नू हँड: भाजपचे आमदार गोपीचंद पडळकर (Gopichand Padalkar) यांच्या कार्यकर्त्याचे सोलापुरातून अपहरण झाल्याचा प्रकार उघडकीस आल्याने एकच खळबळ उडाली आहे. काही महिन्यांपूर्वी झालेल्या मारहाणीचा बदला घेण्यासाठी अपहरण करुन हत्येचा प्रयत्न केल्याची प्राथमिक माहिती समोर येत आहे. शरणु हांडे (Sharnu Hande) असे अपहरण झालेल्या गोपीचंद पडळकर समर्थकाचे नाव आहे. पोलिसांना अपहरण झाल्याची माहिती मिळताच सोलापूर पोलिसांचे चार पथके शोधासाठी रवाना झाले होते. काल गुरुवारी (दि. 07) रात्री 10 वाजेच्या सुमारास पोलिसांनी  अमित सुरवसे आणि त्याच्या साथीदारांना ताब्यात घेतले आहे. अमित सुरवसे हा राष्ट्रवादी शरद पवार गटाचा समर्थक असल्याची माहिती समोर येत आहे. आता अपहरण झालेल्या शरणु हांडे याने आपबिती सांगितली आहे.

काय म्हणाला शरणू हांडे?

शरणू हांडे याने एबीपी माझाशी बोलताना म्हटले आहे की,  मी पानटपरीच्या इथे उभा असताना गाडीतून ते लोक आले. माझ्यावर वार केले. त्यानंतर मला पायाला बांधून गाडीत बसवले आणि त्यांनी मला नेले. ते सात जण होते. कोयता, हॉकी स्टिक आणि तलवारीने मला मारहाण करण्यात आली. पण पोलीस आले अन् माझी सुटका केली, अशी माहिती त्याने दिली आहे.

नेमकं प्रकरण काय?

2021 साली आरोपी अमित सुरवसे याने गोपीचंद पडळकर यांच्या गाडीवर दगडफेक केली होती. याचा बदला म्हणून काही दिवसांपूर्वी शरणू हांडे याने अमित सुरवसे याला मारहाण केल्याचे समजते. मारहाणीचा व्हिडीओ मोठ्या प्रमाणात व्हायरल झाल्यानंतर शरणू हांडे आणि अमित सुरवसे या दोघांना आपापसातील वाद मिटवून घेतला होता. पण अमित याने याच मारहाणीचा आणि अपमानाचा बदला घेण्यासाठी आपल्या मित्राच्या मदतीने शरणू याचे अपहरण केले. यासाठी त्याने सुरुवातीला पुण्यातून भाड्याने कार घेतली. मित्रासह तो सोलापुरात आला आणि शरणु हांडे याला घराजवळून शस्त्राचा धाक दाखवून अपहरण केलं. दरम्यान सोलापूर शहर पोलीस दलाच्या सतर्कतेमुळे गोपीचंद पडळकर यांच्या समर्थकाचा जीव थोडक्यात वाचला आहे. रात्री 10 च्या सुमारास अमित सुरवसे आणि त्याच्या साथीदारांना पोलिसांनी ताब्यात घेतलं. यावेळी शरणु हांडे हा गंभीर अवस्थेत असल्याचे पोलिसांना लक्षात आल्याने त्याला तात्काळ सोलापुरात आणण्यात आलं आहे.

आरोपीविरोधात गुन्हा दाखल

दरम्यान, जखमी शरणु हांडे याच्या भावाच्या फिर्यादीवरून पोलीस ठाण्यात गुन्हा दाखल करण्यात आला आहे. जखमी शरणु हांडे याचा भाऊ विष्णू शिवराया हांडे याने पोलिसात फिर्याद दाखल केली आहे. आरोपी अमित सुरवसेसह 4 अनोळखी साथीदारांविरोधात भारतीय न्याय संहिता 140 (1), 189 (2), 189 (4), 191 (2), 191 (3), 190 आणि शस्त्र अधिनियम कलम 4, 25 अनुसार गुन्हा नोंद करण्यात आला आहे.

https://www.youtube.com/watch?v=JQDCLS8NW1M

आणखी वाचा

Ratnagiri Crime : हात-पाय घट्ट बांधलेली निवृत्त शिक्षिकेची बेडवर सापडली बॉडी; मैत्रिणीसोबत फिरायला जाणार होत्या, रत्नागिरीत काय घडलं?

आणखी वाचा