दादा खिंडकर वाल्मिक कराडपेक्षाही मोठा गुन्हेगार, तीन गावे दहशतीमध्ये; ठाकरे गटाच्या जिल्हाप्रमु

दादा खिंदकर: धनंजय देशमुख (Dhananjay Deshmukh) यांचा दादा खिंडकर (Dada Khindkar) याने तरुणाला अमानुष मारहाण केल्याच्या व्हिडिओ व्हायरल झाल्याने एकच खळबळ उडाली आहे. दादा खिंडकर याच्यावर पिंपळनेर पोलीस ठाण्यात गुन्हा दाखल केला होता. त्यानंतर आज दादा खिंडकर पोलीस अधीक्षक कार्यालयात पोलिसांना शरण आला. दादा खिंडकर याला पिंपळनेर पोलिसांनी ताब्यात घेतले आहे. दादा खिंडकरला अटक केल्यानंतर ठाकरे गटाचे जिल्हाप्रमुख परमेश्वर सातपुते (Parmeshwar Satpute) यांनी खिंडकर याच्यावर गंभीर आरोप केले आहेत. खिंडकर याने सातपुते यांच्या घरावर हल्ला चढवत त्यांच्या गाडीची तोडफोड केली होती. या प्रकरणात त्याच्यावर गुन्हा देखील दाखल आहे.

दादा खिंडकर याच्यावर घरफोडी जीवे मारण्याचा प्रयत्न करणे, असे गंभीर गुन्हे दाखल आहेत. त्याच्या दहशतीखाली ग्रामपंचायत अंतर्गत तीन गावे आहेत. तो वाल्मीक कराड पेक्षाही मोठा गुन्हेगार आहे. त्यामुळे त्याच्यावर मोकोका अंतर्गत कारवाई करून अटक करावी, अशी मागणी सातपुते यांनी केली आहे. तर दादा खिंडकर हा माजी आमदार अमरसिंह पंडित आणि विद्यमान आमदार विजयसिंह पंडित यांच्या गटाचा आहे. अमरसिंह पंडित यांनीच त्याची पाठराखण केली. त्यामुळे अमरसिंह पंडित हाच खिंडकरचा अका असल्याचा गंभीर आरोप सातपुते यांनी केला.

धनंजय देशमुखांच्या साडूने केली होती मारहाण

दादा खिंडकर याचा एक जूना व्हिडिओ सोशल मीडियावर मोठ्या प्रमाणात व्हायरल झाला होता. त्यात ओमकार सातपुते याला खिंडकर मारहाण करत असल्याचे दिसते. या व्हिडिओतून अमानुष पद्धतीने मारहाण केल्याचे समोर आले. ओमकार सातपुते हा शिवसेना उद्धव बाळासाहेब ठाकरे गटाचे जिल्हाप्रमुख परमेश्वर सातपुते यांचा चुलत भाऊ आहे. खिंडकर याच्यावर पिंपळनेर पोलीस ठाण्यात रात्री उशिरा गुन्हा दाखल करण्यात आला. यानंतर त्याच्या शोधासाठी पोलिसांनी पथक रवाना केले होते. यादरम्यान आज सकाळी साडेदहा वाजता तो बीडच्या पोलीस अधीक्षक कार्यालयात शरण आला. यानंतर त्याला पिंपळनेर पोलिसांनी ताब्यात घेत आता पुढील कायदेशीर कार्यवाही सुरू केली आहे.

https://www.youtube.com/watch?v=m0md6ukm0cq

इतर महत्त्वाच्या बातम्या

Satish Bhosale : खोक्या उर्फ सतीश भोसले 6 दिवस कुठे होता? कसा पळाला? कुठे राहिला? पुणे-शिरूर-अहिल्यानगर-संभाजीनगर अन् शेवटी गाठलं प्रयागराज, पोलिसांनी असं घेतलं जाळ्यात

Nashik Crime : दीड वर्षांच्या चिमुकलीचा वडिलांनी केला दफनविधी; आईला घातपाताचा संशय; नाशिक पोलिसात तक्रार, पोलिसांनी मृतदेह वरती काढला अन्..

अधिक पाहा..