मुंबईतील कोणत्याही मुद्रांक कार्यालयात आता दस्त नोंदणी करता येणार; महसूल विभागाचा मोठा निर्णय

नोंदणी आणि मुद्रांक मुंबई: महसूल विभागाने मुंबईकरांसाठी एक दिवाळी भेट दिली आहे. आता मुंबईतील कोणत्याही मुद्रांक कार्यालयात दस्त नोंदणी (Registration & Stamps) करता येणार आहे. क्षेत्रीय मर्यादेची अट राज्य सरकारकडून रद्द करण्यात आली आहे. महसूलमंत्री चंद्रशेखर बावनकुळे (Chandrashekar Bawankule) यांचा महत्वाचा निर्णय घेतला आहे.

मुंबई आणि उपनगरातील नागरिक, व्यावसायिक व कंपनी मालक आपल्या क्षेत्रासहित मुंबईतील कोणत्याही सहा मुद्रांक कार्यालयातही दस्त नोंदणी (Adjudication of Document ) करू शकतील. ज्या भागातील रहिवासी किंवा व्यावसायिक प्रतिष्ठाने आहेत, तेथीलच मुद्रांक कार्यालयात नोंदणी करण्याची अट काढून टाकण्यात आली आहे.

कोणत्याही मुद्रांक कार्यालयात कागदपत्रांची दस्त नोंदणी प्रक्रिया पूर्ण करता येईल- (Documents can be registered at any stamp office)

आता मुंबई शहर आणि उपनगरातील नागरिकांना कोणत्याही मुद्रांक कार्यालयात म्हणजे बोरिवली, कुर्ला, अंधेरी, मुंबई शहर तसेच ओल्ड कस्टम हाऊस जवळील प्रधान मुद्रांक कार्यालयातील मुद्रांक जिल्हाधिकारी (अंमलबजावणी एक व दोन) या सहा कार्यालयांत मालमत्ता करार, भाडे करार, वारसा हक्कपत्र याशिवाय अन्य महत्त्वपूर्ण कागदपत्रांची दस्त नोंदणी प्रक्रिया पूर्ण करता येईल.

मुंबईकरांचा वेळ, धावपळ वाचणार- (Mumbai News)

सदर सुधारणेमुळे मुंबईकरांचा वेळ, धावपळ वाचणार आहे, सोबतच निर्णय प्रक्रिया आणि कार्यालयीन कामकाज देखील जलदगतीने होणार आहे. यासंदर्भातील शासनाकडून राजपत्र देखील जारी करण्यात आले आहे.

महसूल विभागाचा आणखी एक मोठा निर्णय- (Revenue Department  Big Decision)

जागा मोजणीचा अर्ज मिळाल्यानंतर 30 दिवसात मोजणी होणार आहे. राज्यात खासगी भूमापक येणार असल्याची घोषणा चंद्रशेखर बावनकुळेंनी केली. ज्यामध्ये खासगी परवानाधारक भूमापक येणार आहेत. त्यांच्या माध्यमातून राज्याची मोजणी चालू होईल. आमचे सीटी सर्वे ऑफिसर, आमचे जे डेप्युटी एसएलआर आहेत ते त्याला सर्टिफाईड करतील, अशी माहिती चंद्रशेखर बावनकुळेंनी दिली. त्यामुळं मोठी यंत्रणा मोजणीसाठी उतरवतो आहे. याचं तांत्रिक पात्रतेवर गणना होणार आहे, असं चंद्रशेखर बावनकुळे म्हणाले. राज्याच्या साडे तीन कोटी लोकांना मोजणीची गरज आहे, पुढं येणारी मोजणी, भूसंपादन वगैरे प्रकरण आहेत. महसूलच्या आतापर्यंतच्या कारकि‍र्दीमध्ये हा ऐतिहासिक निर्णय राज्य सरकारनं केला आहे. राज्य सरकारनं या निर्णयाच्या माध्यमातून मोजणीसाठी 90 दिवस, 160 दिवस लागायचे. आता 30 दिवसात मोजणी पूर्ण होईल, असं चंद्रशेखर बावनकुळेंनी म्हटलं.

राज्यासह देश-विदेशातील महत्वाच्या बातम्या, VIDEO:

https://www.youtube.com/watch?v=m0md6ukm0cq

संबंधित बातमी:

Chandrashekhar Bawankule : मोजणीचा अर्ज मिळाल्यानंतर 30 दिवसात मोजणी होणार, राज्यात खासगी भूमापक येणार, चंद्रशेखर बावनकुळेंची ऐतिहासिक घोषणा

आणखी वाचा