विश्रांती हवी असल्यास IPL सोडा, गौतम गंभीरचा कडक इशारा; शुभमन गिलच्या दुखापतीनंतर वादळ, नेमकं क

गौतम गंभीर टीम इंडिया विरुद्ध दक्षिण आफ्रिका: भारत आणि दक्षिण अफ्रिका (India vs South Africa 2nd Test) यांच्यात सध्या दोन सामन्यांची कसोटी मालिका खेळवण्यात येत आहे. या मालिकेतील पहिल्या कसोटी सामन्यात दक्षिण अफ्रिकेने भारताचा पराभव करत 1-0 अशी आघाडी घेतली. 22 नोव्हेंबरपासून भारत आणि दक्षिण अफ्रिकेत दुसरा कसोटी सामना रंगणार आहे. याआधी एक महत्वाची घडामोड घडली.

भारताचा कर्णधार शुभमन गिल (Shubhman Gill) दुसऱ्या कसोटीतून बाहेर पडला आहे. आता दक्षिण अफ्रिकेविरुद्धच्या दुसऱ्या कसोटी सामन्यात शुभमन गिलऐवजी ऋषभ पंत (Rishabh Pant) टीम इंडियाचं (Team India) नेतृत्व करणार आहे. पहिल्या कसोटीदरम्यान शुभमन गिलच्या मानेला दुखापत झाली होती. यानंतर शुभमन गिल पुढल्या उपचारासाठी मुंबईकडे रवाना झाला आहे. दरम्यान, शुभमन गिलच्या दुखापतीनंतर टीम इंडियात नवीन वादळ निर्माण झालं असल्याचं बोललं जात आहे. भारतीय संघाचे मुख्य प्रशिक्षक गौतम गंभीरने (Gautam Gambhir) टीम इंडियातील खेळाडूंना कडक शब्दात इशारा दिला आहे.

🚨 अपडेट 🚨#TeamIndia दक्षिण आफ्रिकेविरुद्धच्या पहिल्या कसोटीत मानेला दुखापत झालेला कर्णधार शुभमन गिल गुवाहाटी येथील दुसऱ्या कसोटीतून बाहेर पडला आहे.

त्याच्या अनुपस्थितीत दुसऱ्या कसोटीत ऋषभ पंत संघाचे नेतृत्व करेल.

तपशील 🔽 | #INDvSA | @IDFCFIRSTBank…

— BCCI (@BCCI) 21 नोव्हेंबर 2025

गौतम गंभीर काय म्हणाला? (Gautam Gambhir Team India)

जिओस्टारचे क्रिकेट तज्ज्ञ आकाश चोप्रा याने एक धक्कादायक खुलासा केला आहे. जर तु्म्हाला जास्त वर्कलोड असेल आणि विश्रांती हवी असल्यास आयपीएल सोडून द्या. कर्णधारपदाचा दबाव असेल तर कर्णधारपदही सोडून द्या…परंतु भारताकडून खेळताना फिटनेस आणि मानसिक थकवा यासारख्या समस्या कारणं असू शकत नाही, असं गौतम गंभीर टीम इंडियातील खेळाडूंना म्हटल्याचा दावा आकाश चोप्राने केला आहे.

22 नोव्हेंबर रोजी रंगणार दुसरा कसोटी सामना- (Ind vs SA 2nd Test Time)

दुसरा कसोटी सामना 22 नोव्हेंबर (शनिवार) रोजी गुवाहाटीच्या बारसापारा क्रिकेट स्टेडियमवर खेळवला जाईल. गुवाहाटीतील सामना भारतीय वेळेनुसार सकाळी 9 वाजता सुरू होईल.

दुसऱ्या कसोटीसाठी भारताचा संपूर्ण संघ- (Team India Full Squad)

यशस्वी जैस्वाल, केएल राहुल, साई सुदर्शन, ऋषभ पंत (कर्णधार/यष्टीरक्षक), ध्रुव जुरेल, रवींद्र जडेजा, वॉशिंग्टन सुंदर, कुलदीप यादव, जसप्रीत बुमराह, मोहम्मद सिराज, अक्षर पटेल, देवदत्त पडिकल, आकाश दीप आणि नितीश कुमार रेड्डी.

दुसऱ्या कसोटीसाठी दक्षिण आफ्रिकेचा संपूर्ण संघ- (South Africa Full Squad)

एडन मार्कराम, रायन रिकेल्टन, ट्रिस्टन स्टब्स, टेम्बा बावुमा (कर्णधार), टोनी डी जॉर्झी, डेवाल्ड ब्रेविस, काइल व्हॅरेन (कर्णधार), सायमन हार्मर, मार्को जॅन्सेन, केशव महाराज, कागिसो रबाडा, कॉर्बिन बॉश, सेनुरान मुथुसामी, झूबान आणि एम.

राज्यासह देश-विदेशातील महत्वाच्या बातम्या, VIDEO:

संबंधित बातमी:

Shubman Gill मोठी बातमी: दुसऱ्या कसोटीतून शुभमन गिल आऊट, टीम इंडियाचा कॅप्टन बदलला, आफ्रिकेविरुद्ध कर्णधार कोण?

आणखी वाचा