युद्धाचा परिणाम; आज सोने-चांदीच्या किमतीत वाढ की घट? जाणून घ्या तुमच्या शहरातील आजचे दर

Gold Silver Price Today: देशांतर्गत फ्युचर मार्केटमध्ये मंगळवारी, १७ मार्च रोजी सोने-चांदीच्या किमतीत तेजी दिसून येत आहे. सकाळी १० ते ११ वाजण्याच्या दरम्यान मल्टी कमोडिटी एक्सचेंज (MCX) वर २ एप्रिल २०२६ च्या मुदतीचा गोल्ड फ्युचर वायदा सुमारे ११०० रुपयांच्या वाढीसह ट्रेड करत होता.वएमसीएक्सवर सोन्याचा वायदा १,५६,८९१ रुपये (प्रति १० ग्रॅम) वर खुला झाला. गेल्या व्यापारी सत्राच्या शेवटच्या दिवशी एमसीएक्सवर सोने १,५५,७३६ रुपयांवर बंद झाले होते.(Gold Silver Price Today)

सकाळी सुमारे १०:०० वाजता, गोल्ड वायदा ०.७१ टक्क्यांच्या वाढीसह १,५६,८४८ रुपयांवर ट्रेड करत होता. सुरुवातीच्या व्यवहारात गोल्ड फ्युचर वायदा १,५६,९९६ रुपयांच्या उच्च पातळीवर पोहोचला होता. जाणून घेऊया आज तुमच्या शहरात सोने-चांदी कोणत्या दराने विकले जात आहे.(Gold Silver Price Today)

चांदीची किंमत

एमसीएक्सवर ५ मे २०२६ च्या मुदतीची चांदी १.६६ टक्क्यांच्या वाढीसह २,६०,७९३ रुपये (प्रति किलो) वर ट्रेड करत होती. चांदीच्या व्यवहाराची सुरुवात २,६१,४५७ रुपयांनी झाली होती. दिवसाच्या व्यवहारादरम्यान चांदीची उच्च पातळी २,६१,४५७ रुपये होती. दिल्ली आणि मुंबईत आज १० ग्रॅम चांदी २,६९९ रुपये दराने विकली जात आहे. तसेच, ग्राहकांना १०० ग्रॅम चांदी खरेदी करण्यासाठी २६,९९० रुपये खर्च करावे लागतील. चेन्नईमध्ये १० ग्रॅम चांदीची किंमत २,७५९ रुपये आणि कोलकात्यात २,७५० रुपये सुरू आहे.(Gold Silver Price Today)

तुमच्या शहरातील सोन्याचे दर (प्रति १० ग्रॅम)

दिल्ली

२४ कॅरेट – ₹१,५७,५६०

२२ कॅरेट – ₹१,४४,४४०

१८ कॅरेट – ₹१,१८,२१०

मुंबई

२४ कॅरेट – ₹१,५७,४१०

२२ कॅरेट – ₹१,४४,२९०

१८ कॅरेट – ₹१,१८,०६०

चेन्नई

२४ कॅरेट – ₹१,६०,४७०

२२ कॅरेट – ₹१,४७,०९०

१८ कॅरेट – ₹१,२३,९९०

कोलकाता

२४ कॅरेट – ₹१,५७,४१०

२२ कॅरेट – ₹१,४४,२९०

१८ कॅरेट – ₹१,१८,०६०

अहमदाबाद

२४ कॅरेट – ₹१,५७,४६०

२२ कॅरेट – ₹१,४४,३४०

१८ कॅरेट – ₹१,१८,११०

लखनौ

२४ कॅरेट – ₹१,५७,५६०

२२ कॅरेट – ₹१,४४,४४०

१८ कॅरेट – ₹१,१८,२१०

पाटणा

२४ कॅरेट – ₹१,५७,४६०

२२ कॅरेट – ₹१,४४,३४०

१८ कॅरेट – ₹१,१८,११०

हैदराबाद

२४ कॅरेट – ₹१,५८,६२०

२२ कॅरेट – ₹१,४५,४००

१८ कॅरेट – ₹१,१८,९७०

जागतिक अनिश्चितता आणि युद्धाच्या काळात सोन्याच्या किमती सामान्यतः वाढतात, परंतु गेल्या सोमवारी झालेल्या घसरणीने गुंतवणूकदारांना चकित केले आहे. आठवड्याच्या पहिल्याच दिवशी ‘मल्टी कमोडिटी एक्सचेंज’ (MCX) वर सोने आणि चांदी या दोन्ही धातूंच्या किमती कमालीच्या घसरल्या.

सोन्या-चांदीच्या दरात मोठी घसरण

सोने: प्रति १० ग्रॅममागे २,६९० ते २,९०० रुपयांची घट झाली. MCX वर सोन्याचा दर १.८३ टक्क्यांनी घसरून १,५५,५६६ रुपयांच्या पातळीवर आला.

चांदी: चांदीमध्ये सोन्यापेक्षाही मोठी घसरण पाहायला मिळाली. प्रति किलो मागे ४,२३२ ते ५,००० रुपयांची घट झाली असून, चांदी २.११ टक्क्यांच्या घसरणीसह २.५३ ते २.५५ लाख रुपयांच्या दरम्यान ट्रेड करत होती.

युद्धाच्या वातावरणात सोनं स्वस्त का झालं?

इराण आणि अमेरिका यांच्यातील तणावाच्या पार्श्वभूमीवर, ‘सुरक्षित गुंतवणूक’ मानल्या जाणाऱ्या सोन्याचे दर वाढणे अपेक्षित होते. मात्र, परिस्थिती उलट दिसली. ‘Lemonn Markets Desk’ चे रिसर्च ॲनालिस्ट गौरव गर्ग यांच्या मते, या घसरणीमागे कच्च्या तेलाचे (Crude Oil) वाढते दर हे मुख्य कारण आहे.

किमती घसरण्यामागची महत्त्वाची कारणे:

१. कच्च्या तेलाचा भडका: कच्च्या तेलाच्या किमती प्रति बॅरल १००.१५ डॉलरवर पोहोचल्या आहेत. यामुळे जागतिक महागाई वाढण्याची भीती निर्माण झाली आहे.
२. फेडरल रिझर्व्हचा परिणाम: महागाई वाढण्याच्या शक्यतेमुळे अमेरिकन फेडरल रिझर्व्ह व्याजदरात कपात करण्याची शक्यता कमी झाली आहे. जेव्हा व्याजदर चढे राहतात, तेव्हा डॉलर मजबूत होतो. आंतरराष्ट्रीय बाजारात सोने डॉलरमध्ये खरेदी केले जात असल्याने, डॉलर महागल्यामुळे सोन्याची मागणी घटते आणि किमती कमी होतात.
३. गुंतवणूकदारांची विक्री: जेव्हा क्रूड ऑईलच्या किमती वाढतात, तेव्हा शेअर बाजारात अस्थिरता येते. अशा वेळी इतर ठिकाणचा तोटा भरून काढण्यासाठी किंवा रोख रक्कम उभी करण्यासाठी अनेक गुंतवणूकदार सोने विकण्याला प्राधान्य देतात, ज्यामुळे किमतीवर दबाव येतो.

गुंतवणूकदारांनी आता काय करावे?

मार्केट तज्ज्ञांच्या मते, अशा अस्थिर काळात घाबरून जाऊन कोणताही निर्णय घेऊ नका.

दीर्घकालीन गुंतवणूक: जे लांबच्या काळासाठी गुंतवणूक करू इच्छितात, त्यांच्यासाठी ही घसरण एक संधी आहे.

दिवाळीपर्यंत तेजीची शक्यता: तज्ज्ञांच्या मते, या वर्षाच्या दिवाळीपर्यंत सोन्याचे दर पुन्हा ऐतिहासिक उच्चांकी पातळीवर पोहोचू शकतात.

तज्ज्ञांचा सल्ला: एकाच वेळी सर्व पैसे न गुंतवता ‘तुकड्या-तुकड्यांत’ (उदा. १ लाखापैकी फक्त २५ हजार आता गुंतवा) गुंतवणूक करणे फायदेशीर ठरेल. तसेच, कच्च्या तेलाचे दर आणि अमेरिकन फेडरल रिझर्व्हच्या निर्णयांवर लक्ष ठेवणे गरजेचे आहे.