गोपाळ बदने महिलांची छेड काढायचा, डोळा मारायचा, तक्रार केल्यास पैसे मागायचा; डॉक्टर तरूणीच्या प्

सातारा: सरकारी रुग्णालयातील डॉक्टर तरूणीने एका हॉटेलमध्ये गळफास घेऊन आत्महत्या (Phaltan Doctor Death Case) केली. ही घटना गुरुवारी (ता, २३) रात्री साडेदहाच्या सुमारास घडली. या घटनेने संपूर्ण महाराष्ट्र हादरला आहे. आत्महत्येपूर्वी डॉक्टर तरूणीने स्वतःच्या हातावर ‘माझ्या मरण्याचे कारण पोलिस उपनिरीक्षक गोपाळ बदने असून, ज्याने चारवेळा माझ्यावर अत्याचार केला, तसेच प्रशांत बनकर याने चार महिने शारीरिक व मानसिक छळ केला,’ असे लिहून ठेवले  (Phaltan Doctor Death Case) आहे. याप्रकरणी फलटण शहर पोलिस ठाण्यात पोलिस उपनिरीक्षक गोपाळ बदने आणि प्रशांत बनकर यांच्यावर मानसिक व शारीरिक त्रास, तसेच लैंगिक अत्याचार गुन्हा दाखल झाला आहे. याप्रकरणी पोलिस अधिकाऱ्याला निलंबित केले असून, दोघांचा शोध घेतला जात होता. पहाटेच्या सुमारास प्रशांत बनकरला  (Phaltan Doctor Death Case) पोलिसांनी ताब्यात घेतलं आहे. दरम्यान या प्रकरणात आरोप झालेल्या पोलिस उपनिरीक्षक गोपाळ बदनेबाबत काही धक्कादायक माहिती समोर आली आहे.  (Phaltan Doctor Death Case)

Phaltan Doctor death case: गोपाळ बदने हा महिलांची छेड काढायचा, डोळा मारायचा

डॉक्टर तरूणीच्या आत्महत्या प्रकरणात आरोपी असलेल्या पोलिस अधिकाऱ्यावरती गंभीर आरोप करण्यात आले आहेत. फलटणच्या उपजिल्हा रुग्णालयात आलेल्या रुग्णांच्या नातेवाईकांकडून पोलीस उपनिरिक्षक गोपाळ बदनेवर गंभीर आरोप करण्यात आले आहेत. गोपाळ बदने हा महिलांची छेड काढायचा, डोळा मारायचा आणि तक्रार केल्यास पैसे मागायचा असं रुग्णांची नातेवाईक असलेल्या एका महिलेने म्हटलं आहे. तो अद्याप फरार असून त्याचाही पोलिस शोध घेत आहेत. या महिलेने गोपाळ बदने वरती आरोप करताना सांगितलं की माझी भाची होती तिला डोळे मारले. ही घटना आठ दिवसापूर्वी घडली आहे. माझी भाची त्याच्याकडे तक्रार देण्यासाठी गेली होती. तिच्या नवरा देखत तिला डोळा मारला. तो सांगतो पैसे द्या, तक्रारीसाठी पैसे द्यावे लागतील. पाच हजार रुपये द्या म्हणाला दिले नाहीत म्हणून त्याने दार लावून घेतलं.

महिला डॉक्टरने केलेल्या खुलाशात या डॉक्टर अंशुमन धुमाळ यांचा उल्लेख आहे. रुग्णालयाच्या अतिदक्षता विभागात येऊन गोपाळ बदनेने धमकावल्याचे आणि इतर पोलीस अधिकाऱ्यांनी त्रास दिल्याचे अनेक आरोप आहेत. या सगळ्याबद्दल या डॉक्टर धुमाळ यांना विचारले असता त्यांनी मला माहिती नाही, माझ्याकडे हा खुलासा करण्यातच आला नव्हता अशी उत्तरं दिली आहेत.

Phaltan Doctor death case: गळफास घेण्यापूर्वी तळहातावर लिहिले आत्महत्येचे कारण

गळफास घेण्यापूर्वी तळहातावर डॉक्टर तरूणीने आत्महत्येचे कारण लिहिले. पोलिस अधीक्षक तुषार दोशी यांनीही या प्रकरणाची गंभीर दखल घेतली असून, याप्रकरणी गुन्हा दाखल करण्याची प्रक्रिया सुरू असल्याचे आणि सखोल तपास केला जाईल, असे सांगितले आहे. हातावरील मजकूर हा महत्त्वाचा पुरावा मानला जात असून, त्या दिशेने पोलिस तपास करीत आहेत.

Phaltan Doctor death case: मुख्यमंत्र्यांच्या आदेशानंतर गोपाळ बदने निलंबित

या प्रकरणाची मुख्यमंत्री देवेंद्र फडणवीस यांनी तत्काळ दखल घेतली असून, संबंधित जबाबदार असलेल्या पोलिसांना तत्काळ निलंबित करावे, असे आदेश पोलिसांना दिले. त्या प्रकरणी पोलिसांनी कारवाई करत पोलिस उपनिरीक्षक गोपाळ बदनेला तत्काळ निलंबित केले आहे. तो फरार असून पोलिसांकडून त्याचा तपास सुरू आहे.

Phaltan Doctor death case: एका आरोपीला अटक

फलटण येथील डॉक्टर तरूणी आत्महत्या (Phaltan Doctor death case) प्रकरणात एका आरोपीला पोलिसांनी अटक केली आहे. प्रशांत बनकर या आरोपीला पोलिसांनी बेड्या ठोकल्या आहेत. घटनेनंतर पोलिसांची पथके दोन आरोपींच्या शोधासाठी रवाना केली होती. युवतीने हातावर लिहिलेल्या सुसाईड नोटमध्ये प्रशांत बनकर याने मानसिक व शारीरिक छळ (Phaltan Doctor death case)केल्याची माहिती  लिहिली होती. सातारा ग्रामीण पोलिसांनी प्रशांत बनकरला अटक केली आहे. प्रशांत बनकरला आज पहाटे चार वाजता अटक करण्यात आली आहे. तो मित्राच्या फार्महाऊसमध्ये लपून बसला होता, सातापा पोलिसांनी ही कारवाई करण्यात आली आहे.(Phaltan Doctor death case)

आणखी वाचा