देवेंद्र फडणवीस, तुम्ही फक्त मजा पाहत राहा! जितेंद्र आव्हाडांची लेक संतापली, ‘तो’ स्क्रीनशॉट द

मुंबई: शरद पवार गटाचे आमदार जितेंद्र आव्हाड व भाजपचे आमदार गोपीचंद पडळकर यांचे कार्यकर्ते विधानभवनाच्या आवारातच एकमेकांसोबतच भिडले. दोन्ही नेत्यांचे कार्यकर्ते गावगुंडांप्रमाणे एकमेकांच्या अंगावर धावून गेले. कॉलर धरत ‘म’ भ’ च्या भाषेत शिवीगाळ करीत एकमेकांना हाणलं. एकमेकांचे कपडे फाडले. कायदे करणाऱ्यांच्याच साक्षीने असे कायदा सुव्यवस्थेचे धिंडवडे निघाले. यापूर्वी विधानभवनात कधीही न घडलेल्या या घटनेमुळे सर्वांची मान शरमेने खाली गेल्याची संतप्त भावना व्यक्त होत आहे. मागील आठवड्यात विधानभवनात आव्हाड यांनी पडळकरांना ऐकू जाईल अशा आवाजात ‘मंगळसूत्र चोर’ म्हटले होते. बुधवारी पडळकर यांनी आव्हाडांना विधानभवन प्रवेशद्वारावर शिवीगाळ केली होती. त्याच रागातून दोन्ही नेत्यांचे कार्यकर्ते भिडल्याचे सांगितले जाते. या वादादरम्यान जितेंद्र आव्हाड यांची कन्या नताशा आव्हाडबाबत देखील सोशल मिडीयावरती खालच्या भाषेत पोस्ट लिहण्यात आली आहे, नताशा आव्हाडने सोशल मिडीयावर त्या पोस्टचा स्क्रीनशॉट शेअर करत फडणवीसांना आणि मुंबई पोलिसांना टॅग करत आपला संताप व्यक्त केला आहे.

पोस्टमध्ये काय म्हटलं नताशा आव्हाडने?

जसा राजा, तशी प्रजा! सगळे गुंडे. या प्रकरणात माझी कोणतीही भूमिका नाही, तरीही या नीच लोकांकडून मला यात ओढले जात आहे. @Dev_Fadnavis@MumbaiPolice तुम्ही मजा पाहत राहा फक्त! अशी संतापजनक पोस्ट जितेंद्र आव्हाडांची मुलगी नताशा आव्हाडने केली आहे.

जसा राजा, तशी प्रजा! सगळे गुंडे.

या प्रकरणात माझी कोणतीही भूमिका नाही, तरीही या नीच लोकांकडून मला यात ओढले जात आहे.@Dev_fadnavis @Mumbaipolice तुम्ही मजा पाहत राहा फक्त! pic.twitter.com/pg6a1dtykq

– नताशा अवाड (@नताशाएस्पीक्स) 17 जुलै, 2025

तिच्याबाबत सोशल मिडीयावर केलेली पोस्ट काय?

गोपीचंद पडळकर यांचे समर्थक असं प्रोफाईलमध्ये लिहलेल्या काही एक्स पोस्टमध्ये कार्यकर्त्यांनी नताशा आव्हाडबाबत खालच्या भाषेत पोस्ट लिहली आहे. ज्याच्या पोरीने #मंगळसूत्र घालणारा न निवडता इतरधर्मीय निवडला तो आता मंगळसूत्राच्या नावाने गावभर बोंबलत आहे! बेटी*** *** कॉकटेल फॅमिलीचा पाळीव कुत्रा… अशा शब्दांत त्यांनी पोस्ट लिहून आव्हाडांना टॅग केली आहे.

पडळकर- आव्हाड वाद काय?

आमदार जितेंद्र आव्हाड व भाजपचे आमदार गोपीचंद पडळकर यांचे कार्यकर्ते विधानभवनाच्या आवारातच एकमेकांना भिडले. कार्यकर्ते गावगुंडांप्रमाणे एकमेकांच्या अंगावर धावून गेले. कॉलर धरत ‘म’ भ’च्या भाषेत शिवीगाळ करीत एकमेकांना गुद्दे मारले. कपडे फाडले. मागील आठवड्यात विधानभवनात आव्हाड यांनी पडळकरांना ऐकू जाईल अशा आवाजात ‘मंगळसूत्र चोर’ म्हटले होते. बुधवारी पडळकर यांनी आव्हाडांना विधानभवन प्रवेशद्वारावर शिवीगाळ केली होती. त्याच रागातून दोन्ही नेत्यांचे कार्यकर्ते भिडल्याचे सांगितले जाते.

नेमकं काय घडलं?

संध्याकाळी 5.30 च्या सुमारास विधानभवनाच्या तळमजल्यावर आव्हाड समर्थक नितीन देशमुख उभे होते. तिथे जवळच पडळकर समर्थक हृषीकेश टकलेही होते. देशमुख हे आव्हाडांचे समर्थक असल्याचे टकले यांना समजल्यावर ते शिवीगाळ करत देशमुखांच्या अंगावर धावले. दोघांमध्ये बाचाबाची होऊन प्रकरण हाणामारीपर्यंत गेलं. टकलेने देशमुख यांच्या शर्टाची कॉलर पकडून त्यांना मारायला सुरुवात केली. सुरक्षा रक्षकांनी प्रसंगावधान राखत दोघांना बाजूला केले. मारहाण होत असताना त्याचे मोबाईलवर व्हिडीओ चित्रीकरण झाले. सुरक्षा रक्षकांनी टकले आणि देशमुख यांना ताब्यात घेतलं. सुरक्षा रक्षक त्यांची चौकशी करत असतानाच टकलेला सुरक्षा रक्षकांनी तंबाखू मळून दिल्याची तक्रार आव्हाड आणि जयंत पाटील यांनी विधानसभा अध्यक्षांकडे केली आहे.

टकले पोलिसांच्या रडारवर शिव मल्हार क्रांती सेनेचा जिल्हाध्यक्ष असलेला ऋषिकेश ऊर्फ सर्जेराव बबन टकले (रा. माळवाडी, ता. पलूस, जि. सांगली) याच्याविरूद्ध 2016 ते 2021 या कालावधीत सहा गंभीर गुन्हे दाखल आहेत. तसेच, त्याच्याविरूद्ध झोपडपट्टीदादा प्रतिबंधक कायद्यानुसार कारवाई करण्यात आली होती.

आणखी वाचा