स्वातंत्र्यदिनी हिंदुस्थानची विजयी बोहनी; हॉकी वर्ल्ड कपच्या पहिल्या सामन्यात वेल्सवर धडाकेबाज विजय

हॉकी वर्ल्ड कपच्या पहिल्याच सामन्यात हिंदुस्थानने धमाका उडवून दिला. पुरुष हॉकी संघाने आपल्या वर्ल्ड कपच्या मोहिमेची शानदार सुरुवात केली. हिंदुस्थानने वेल्सविरुद्धच्या आपल्या सलामीच्या सामन्यात 3-1 असा विजय मिळवून देशाला स्वातंत्र्य दिनाच्या आनंदी सोहळय़ाची भेट दिली.

पहिल्या सत्रात दोन गोल

हिंदुस्थानच्या संघाने पहिल्या सत्रामध्ये आक्रमक पवित्रा घेत प्रतिस्पर्धी संघावर दबाव टाकला. सामन्याच्या 15 मिनिटांच्या आतमध्येच संजय आणि कर्णधार हरमनप्रीत सिंग यांनी शानदार ड्रग-फ्लिक्सच्या सहाय्याने पेनल्टी कॉर्नरचे गोलमध्ये रूपांतर करून हिंदुस्थानला 2-0 अशी आघाडी मिळवून दिली.

दुसऱ्या सत्रात संयमी खेळ

दुसऱ्या सभामध्ये खेळाचा वेग मंदावला होता आणि दोन्ही संघ अधिक सावध खेळत होते. हिंदुस्थानने आपली आघाडी कायम ठेवली आणि मैदानावर पूर्ण नियंत्रण राखले. पण या सत्रामध्ये हिंदुस्थानला एक पेनल्टी कॉर्नर मिळाला, पण तो गोलमध्ये रूपांतरित करण्यात ते अपयशी ठरले. वेल्सने मात्र अखेरच्या काही मिनिटांत आक्रमक खेळ केला खरा, पण त्यांना गोल करण्यात अपयश आले. त्यामुळे मध्यंतराच्या शिट्टीपर्यंत हिंदुस्थानी संघाने 2-0 अशी आघाडी कायम ठेवली होती.

हिंदुस्थानचा तिसरा गोल

सामन्याच्या 43 व्या मिनिटाला कर्णधार हरमनप्रीतने दुसरा गोल केला, ज्यामुळे हिंदुस्थानची आघाडी 3-0 झाली. मध्यंतरानंतर वेल्सने तिसऱ्या सत्रामध्ये पुनरागमन करण्याचा जोरदार प्रयत्न केला, पण हिंदुस्थानी बचावफळीने प्रत्येक हल्ला परतवून लावला. 43 व्या मिनिटाला हिंदुस्थानला एक उत्तम संधी मिळाली आणि कर्णधार हरमनप्रीत सिंगने कोणतीही चूक न करता सामन्यातील वैयक्तिक दुसरा आणि संघाचा तिसरा गोल केला. या 3-0 च्या भक्कम आघाडीने वेल्सच्या पुनरागमनाच्या आशा पूर्णपणे धुळीस मिळाल्या.

वादग्रस्त रिह्यूदरम्यान वेल्सचा गोल

सामन्यातील एकमेव वादग्रस्त प्रसंग चौथ्या आणि अंतिम सत्राच्या 55 व्या मिनिटाला घडला. जेव्हा हिंदुस्थानच्या गोलपोस्टजवळ झालेल्या गोंधळादरम्यान मैदानी पंचांची शिट्टी खाली पडली. पंच शिट्टी उचलण्यात व्यस्त होते आणि खेळ सुरूच राहिला, त्यानंतर तिसऱ्यांदा पंचांनी केलेल्या रिह्यूमध्ये वेल्सच्या सॅम वेल्शचा गोल वैध ठरवण्यात आला. पण असे असूनही हिंदुस्थानने आपली आघाडी कायम ठेवली आणि 3-1 असा दणदणीत विजय मिळवून स्पर्धेतील आपल्या मोहिमेची विजयी सुरुवात केली.