भारत आणि श्रीलंका यांच्यातील कसोटी मालिकेनंतर आयसीसीने (ICC) फलंदाजांची नवीन कसोटी क्रमवारी जाहीर केली आहे. या क्रमवारीत अनेक महत्त्वाचे बदल दिसून आले आहेत. इंग्लंडचा हॅरी ब्रूक अव्वल स्थानावर कायम आहे, तर ऑस्ट्रेलियाच्या स्टीव्ह स्मिथने एका स्थानाची प्रगती केली आहे. याउलट, जो रूट आणि भारतीय कर्णधार शुबमन गिल यांच्या क्रमवारीत घसरण झाली आहे.
हॅरी ब्रूक 856 रेटिंग गुणांसह पहिल्या स्थानावर कायम आहे. ऑस्ट्रेलियाच्या स्टीव्ह स्मिथने एका स्थानाची सुधारणा करत 840 रेटिंग गुणांसह दुसरे स्थान गाठले आहे. इंग्लंडचा जो रूट एका स्थानाने घसरून 820 रेटिंग गुणांसह तिसऱ्या स्थानावर आला आहे.
भारतीय कर्णधार शुबमन गिलची क्रमवारी दोन स्थानांनी घसरली आहे. तो 709 रेटिंग गुणांसह नवव्या स्थानावर आला असून, आता तो अव्वल 10 च्या यादीतून बाहेर पडण्याच्या धोक्यात आहे. मात्र, भारतीय यष्टिरक्षक-फलंदाज रिषभ पंत 713 रेटिंग गुणांसह सातव्या स्थानावर कायम आहे.
पाकिस्तानचा कर्णधार बाबर आझम याला मोठा फटका बसला आहे, तो अव्वल 10 मधून बाहेर पडून 15व्या स्थानावर घसरला आहे. त्याचे रेटिंग आता 679 इतके आहे. दुसरीकडे, पाकिस्तानच्या सौद शकीलने 15 स्थानांची मोठी झेप घेत १८ वे स्थान मिळवले आहे.
ऑस्ट्रेलियाचा ट्रॅव्हिस हेड 811 रेटिंग गुणांसह चौथ्या स्थानावर आहे. दक्षिण आफ्रिकेचा टेंबा बावुमा पाचव्या स्थानावर आहे, तर न्यूझीलंडचा रचिन रवींद्र सहाव्या स्थानावर आहे. न्यूझीलंडच्या डॅरिल मिचेलनेही एका स्थानाची प्रगती केली असून तो आता आठव्या स्थानावर आहे.
Comments are closed.