5 die after consuming Ash “आजारी आहात मग राख खा” मांत्रिकाचे ऐकून एकाच कुटूंबातील ५ जणांनी गमावले प्राण

झारखंडच्या पलामू जिल्ह्यात अंधश्रद्धा आणि अज्ञानाने एका कुटूंबाचा घात केला आहे. या घटनेत ५ जणांचा मृत्यू झाला आहे.  मिळालेल्या माहितीनुसार १० दिवसांच्या आत एकाच कुटुंबातील पाच सदस्यांच्या मृत्यूच्या प्राथमिक तपासात धक्कादायक गोष्टी समोर आली आहेत.

आरोग्य विभागाच्या म्हणण्यानुसार, आजारी पडल्यावर या कुटुंबाने नियमित वैद्यकीय उपचारांऐवजी जादूटोण्याचा आधार घेतला आणि एका मांत्रिकाच्या सांगण्यावरून राखेचे सेवन केले. आणि त्यामुळे पोटात बिघाड होऊन एकाच कुटूंबातील ५ जणांना आपला जीव गमवावा लागला आहे.

भूत उतरवणाऱ्याच्या कृत्यामुळे ५ जणांचा जीव गेला!

डॉक्टरांना संशय आहे की यामुळेच त्यांची प्रकृती खालावली. तथापि, मृत्यूचे नेमके कारण निश्चित करण्यासाठी अंतर्गत अवयव आणि इतर नमुन्यांची तपासणी केली जात आहे. ही घटना पाडवा ब्लॉकच्या सिक्का गावात घडली.

मिळालेल्या माहितीनुसार, कुटुंबप्रमुख कुलदीप महातो यांचे १९ जून रोजी निधन झाले. दुसऱ्या दिवशी त्यांच्या मुलीचाही मृत्यू झाला. यानंतर, कुटुंबातील इतर सदस्यांनी वैद्यकीय उपचार सुरू ठेवले आणि भूतबाधा उतरवण्यासाठी ते लेस्लीगंजच्या पूर्णडीह भागात गेले. या काळात त्यांनी अस्थींचे सेवन केले. त्यानंतर, २६ जून रोजी कुलदीप महातो यांची दुसरी मुलगी इंदू कुमारी हिचे निधन झाले. २८ जून रोजी सून श्वेता कुमारी हिचे, तर २९ जून रोजी रांचीच्या रिम्समध्ये उपचार घेत असताना मुलगा नकुल महातो याचे निधन झाले.

अशाप्रकारे, दहा दिवसांच्या आत कुटुंबातील पाच सदस्यांनी आपले प्राण गमावले. कुलदीप महातो यांची पत्नी लखो देवी, एक मुलगा आणि एक नातू यांच्यासह कुटुंबातील इतर तीन सदस्य सध्या रिम्स (RIMS) रुग्णालयात दाखल आहेत. डॉक्टरांच्या मते, सर्व रुग्णांची प्रकृती झपाट्याने खालावत होती आणि त्यानंतर त्यांच्या शरीरावर सूज येऊ लागली होती.

आरोग्य विभागाच्या पथकाने तपास सुरू केला.

परिस्थितीचे गांभीर्य लक्षात घेता, झारखंड आरोग्य विभागाचे एक पथक तपास सुरू करण्यासाठी सिक्का गाव आणि पूर्णाडीह येथे दाखल झाले आहे. या पथकाने कथितरित्या सेवन केलेल्या राखेचे नमुने गोळा केले आहेत. ते कुटुंबाने सेवन केलेल्या अन्नाची आणि इतर संभाव्य कारणांचीही चौकशी करत आहेत.