IPL 2026 – तळाच्या LSG ने CSK चे गणित बिघडवले, प्ले ऑफ गाठण्यासाठी पुढील दोन्ही सामन्यात विजय आवश्यक

गुणतालिकेत तळाशी असलेल्या लखनौ सुपर जायंटस संघाने चेन्नई सुपर किंग्जचे प्ले ऑफ गाठण्याचे गणित बिघडवले आहे. लखनौच्या एकाना मैदानावर झालेल्या लढतीत LSG ने CSK ला 7 विकेटने धूळ चारली. निकोलस पूरन याने कंबोज याच्या गोलंदाजीवर एकामागोमाग एक 4 षटकार खेचत LSG ला विजयी केले.

CSK ने विजयासाठी दिलेले 188 धावांचे आव्हान LSG ने 20 चेंडू बाकी असताना 3 विकेट्स गमावत पूर्ण केले. या पराभवामुळे 12 गुणांसह सहाव्या स्थानावर असलेल्या चेन्नईला धक्का बसला असून प्ले ऑफ गाठण्यासाठी आता पुढील दोन्ही लढतीत विजय आवश्यक आहे.