मुंबई भारतीयस्वार त्यांच्या घरच्या मैदानातच राज्य करत राजस्थान रॉयल्सने आयपीएलच्या खेळा ऑफमधील आपले जागा राखले. त्यामुळे आता खेळा ऑफचे गणित सुटलेले आहे. राजस्थानचा संघ आता एलिमिनेटरमध्ये सनरायझर्स हैद्राबादशी दोन हात करणार आहे. राजस्थानने प्रथम फलंदाजी करताना 205 धावा उभारल्या होत्या, पण मुंबईला हे आव्हान पेलवले नाही आणि घरच्या मैदानात त्यांचा शेवटही कडू झाला. राजस्थानने यावेळी मुंबईवर ३० धावांनी शक्तिशाली विजय साकारत गुण टेबलमध्ये चौथा जागा पटकावले. जोफ्रा आर्चर्न अष्टपैलू कामगिरी करत राजस्थानच्या विजयात सिंहाचा वाटा उचलला.
मुंबईला अखेरचा सामना जिंकवण्यासाठी सूर्यकुमार यादवने जिवाचे रान केले. संपूर्ण लीग अपयशी ठरलेला सूर्या अखेरच्या सामन्यात तळपला खरा, पण त्याच्या तेजाने मुंबईचा विजयाचा अभिषेक होऊ शकला नाही. राजस्थानच्या 206 धावांचा पाठलाग करताना रोहित शर्मा यावेळी भोपळाही फोडू शकला नाही. नमन धीरही सहा धावांवर बाद झाला. त्यामुळे मुंबईची 2 बाद 23 अशी अवस्था असताना सूर्या फलंदाजीला आला. सूर्याने डावाची उभारणी करायला सुरुवात करत धमाकेदार फटकेबाजी केली. सूर्याने अर्धशतक झळकावत संघाला विजयाची आस दाखवली. सूर्याला कर्णधार हार्दिक पंडय़ा (34) आणि विल जॅक्स (33) यांनी काही काळ साथ दिली, पण त्यांना सूर्याबरोबर खेळपट्टीवर उभे राहता आले नाही. त्यामुळे सूर्या एकाकी पडला होता. अखेरच्या षटकांमध्ये मोठी फटकेबाजी करताना सूर्याने आपली विकेट गमावली आणि मुंबईच्या विजयाच्या आशा संपुष्टात आल्या. सूर्याने यावेळी 42 चेंडूंत
3 चौकार आणि चार षटकारांच्या जोरावर 60 धावा केल्या.
राजस्थानच्या डावाची सुरुवात चांगली झाली नाही. वैभव सूर्यवंशी हा फक्त चार धावांवर बाद झाला. यशस्वी जैसवालही यावेळी मोठी खेळी साकारू शकला नाही. त्याला 27 धावांवर समाधान मानावे लागले. त्यानंतर ध्रुव जुरेलने 38 धावा करत संघाला चांगला आधार दिला, पण त्याचेही अर्धशतकाचे स्वप्न धुळीस मिळाले. राजस्थानचा डाव अडचणीत सापडला असताना जोफ्रा आर्चर संघाच्या मदतीला धावून आला. आर्चरने फक्त 15 चेंडूंत 1 चौकार आणि तीन षटकारांच्या मदतीने 32 धावांची महत्त्वपूर्ण खेळी साकारली. आर्चरच्या या खेळीमुळेच राजस्थानला दोनशे धावांचा पल्ला गाठता आला आणि विजयासाठी तो निर्णयक ठरला.
धनुर्धारी ठरला गेमचेंजर!
राजस्थानचा खरा ‘गेमचेंजर’ ठरला तो जोफ्रा आर्चर! पहिल्याच षटकात त्याने रोहितला तंबूत धाडत मुंबईच्या डावाला हादरा दिला. त्यानंतर नमन धीर आणि हार्दिकलाही मोक्याच्या क्षणी बाद करत त्याने सामना राजस्थानच्या खिशात टाकला. आर्चरने 4 षटकांत अवघ्या 17 धावा देत 3 विकेट घेत मुंबईची कंबर मोडली. फक्त गोलंदाजीतच नाही, तर फलंदाजीतही आर्चरने राजस्थानचा तारणहार बनत 15 चेंडूंत 32 धावांची स्फोटक खेळी केली. वैभव सूर्यवंशी आणि यशस्वी जैस्वाल स्वस्तात बाद झाल्यानंतर ध्रुव जुरेलने 38 धावांची झुंजार खेळी केली होती. मात्र अखेरच्या षटकात आर्चरच्या वादळी फटकेबाजीमुळेच राजस्थानला 205 धावांपर्यंत मजल मारता आली आणि हाच फरक निर्णायक ठरला.
खेळा ऑफचे समोर पुढील प्रमाणे होतील…
पात्रता १
n २६ (मंगळवार) आरसीबी वि.
गुजरात टायटन्स
एलिमिनेटर
n 27 (बुधवार) राजस्थान रॉयल्स वि.
सनरायझर्स हैदराबाद
पात्रता 2
n 29 मे (शुक्रवार) क्लालिफायर1 चा पराभूत संघ वि. एलिमिनेटरमधील विजेता
फायनल
n 31 (रविवार)
Comments are closed.