968 दिवसानंतर परतलेल्या बुमराहची ऐतिहासिक कामगिरी! इंग्लंडमध्ये भारतासाठी 'अशी' कामगिरी करणारा…

भारतीय वरिष्ठ पुरुष क्रिकेट संघ सध्या इंग्लंड दौऱ्यावर आहे. या दौऱ्यांची सुरूवात टी २० मालिकेने झाली, ज्यामध्ये भारताला ०-४ असे मोठ्या पराभवाचा सामना करावा लागला. त्यानंतर सुरू झालेल्या वनडे मालिकेतील पहिल्या सामन्यात भारतीय खेळाडूंनी धमाकेदार सुरूवात करत चाहत्यांना दिलासा दिला आहे. हा सामना आज (१४ जुलै) एजबस्टन येथे सुरू आहे.

या सामन्यातून जसप्रीत बुमराह याने भारतीय संघात पुनरागमन केले. तो २०२३ च्या विश्वचषक अंतिम सामन्यानंतर संघात परतला असून त्याने पहिल्याच सामन्यात ऐतिहासिक कामगिरी नोंदवली आहे.

बुमराहने एजबस्टनमध्ये सुरू असलेल्या या सामन्यात इंग्लंडचा कर्णधार हॅरि ब्रूकला (१) बाद केले आणि आपल्या वनडे कारकिर्दीतील १५० विकेट्स पूर्ण केल्या. त्याचबरोबर तो इंग्लंडमध्ये भारतासाठी सर्वाधिक वनडे विकेट्स घेणारा गोलंदाजही ठरला आहे.

या स्टार वेगवान गोलंदाजाने इंग्लंडमध्ये खेळल्या गेलेल्या वनडे सामन्यांमध्ये आतापर्यंत सर्वाधिक ३१ विकेट्स घेतल्या आहेत. या यादीत दुसऱ्या स्थानी रवींद्र जडेजा आहे. त्याने ३० विकेट्स घेतल्या आहेत.

इंग्लंडमध्ये भारतासाठी सर्वाधिक वनडे विकेट्स घेणारे-
३१ – जसप्रीत बुमराह
30 – रवींद्र जडेजा
२८ – भुवनेश्वर कुमार
27 – मदन लाल
२६ – मोहम्मद शमी