किरकोळ वाद विकोपाला; हाणामारीत गरोदर महिलेच्या पोटात लाथा मारल्या, बाळाचा दुर्दैवी अंत!

कल्याण क्राईम न्यूज : कल्याण मोहने गावातील लहूजीनगर परिसरात एक धक्कादेणारा प्रकार समोर आला आहे. यात क्षुल्लक कारणावरून दोन शेजाऱ्यांमध्ये हाणामारी (Crime News) झाली. दरम्यान हि मारामारी सोडायला गेलेल्या गरोदर महिलेवर जीवघेणा हल्ला करण्यात आला. या हल्ल्यात महिलेच्या पोटातील बाळाचा दुर्दैवी मृत्यू झाला आहे. डोक्यावरील टोपी काढण्याच्या किरकोळ कारणावरून झालेल्या हाणामारीत गरोदर महिलेला आरोपीने पोटात जोरदार लाथ मारली. या मारहाणीमुळे महिलेच्या पोटातील बाळाचा मृत्यू झाला आहे.

दरम्यानया परिसरात वारंवार होणाऱ्या घटनांमुळे पोलिसांच्या कार्यक्षमतेवर प्रश्न चिन्ह उपस्थित झाले आहे. घटनेची माहिती पोलिसांनी कार्यक्रमस्थळ गाठत अधिक तपास प्रारंभ केला आहे. फक्त या प्रकरणी पोलीस कारवाई करत नसल्याचा दोष स्त्रीद्वारे केला आहे.

नीटच्या परीक्षेत गुण वाढवून देण्याचे आमिष दाखवून 1 कोटी 10 लाखांची फसवणूक

नीटच्या परीक्षेत गुण वाढवून देण्याचे आमिष दाखवून 1 कोटी 10 लाखांची फसवणूक केल्याप्रकरणी एका व्यक्ती विरोधात गुन्हा दाखल झाला आहे. सोलापुरातल्या मजरेवाडी येथे राहणाऱ्या मेहदीअली इकराम सय्यद यांनी दिलेल्या फिर्यादीवरून अरविंद गोविंद चंडक याच्यावर सदर बाझार पोलिस ठाण्यात गुन्हा दाखल करण्यात आला आहे. ही घटना 2023 ते नोव्हेंबर 2024 दरम्यान घडली. फिर्यादी मेहदीअली सय्यद यांनी आपला मुलगा अहमद याला नीट परीक्षेत बसविले होते. या परीक्षेत आरोपीने कर्नाटकातील बेळगाव येथे नीट परीक्षेचे मॅनेजमेंट करून त्याला 600 पेक्षा जास्त गुण मिळवून देण्याचा विश्वास दिला. त्या मोबदल्यात जवळपास 1 कोटी 10 लाख रुपये आरोपी चंडक याने घेतले. पण, परीक्षेत अहमद याचे गुण वाढले नाहीत. यामुळे सय्यद यांनी पैसे परत करण्याची मागणी सुरू केली. तेव्हा आरोपी टाळाटाळ करू लागला. यामुळे आपली फसवणूक होत असल्याचे लक्षात आल्याने सय्यद यांनी आरोपी विरोधात फिर्याद दिली

Pune Crime : पुणे विमानतळावर महिलेकडून 72 लाख रुपयांचा गांजा जप्त; एअर इंटेलिजन्स युनिटची कारवाई

पुणे विभागाच्या एअर इंटेलिजन्स युनिटने दिलेल्या माहितीनुसार, ही कारवाई 6 डिसेंबर रोजी पुणे विमानतळावर करण्यात आली. एअर इंडिया एक्सप्रेस आय एक्स 241 या विमानाने एक महिला प्रवासी बँकॉकवरुन पुणे विमानतळावर पोहचली. एअर इंटेलिजन्स युनिटच्या अधिकाऱ्यांनी त्या महिलेला चौकशीसाठी अडवले आणि तिच्या बॅगची तपासणी करायला सुरुवात केली. यावेळी त्यातील 2 चिप्सच्या डब्यात या महिलेने लपवलेला गांजा मिळून आला. त्याचे वजन केले असता ते 722 ग्रॅम इतके मिळून आले. ज्याची बाजार भावानुसार 72.2 लाख रुपये किंमत आहे. संबंधित महिलेवर विमानतळ पोलिस ठाण्यात गुन्हा दाखल करण्यात आला आहे.

इतर महत्त्वाच्या बातम्या

आणखी वाचा