Kalyan Dombivli Mahapalika Election BJP News : कल्याण डोंबिवली महापालिका निवडणुकीच्या मतदानाआधीच भाजपसाठी आनंदाची बातमी समोर आली आहे. कल्याण डोंबिवली महापालिका निवडणुकीत (Kalyan Dombivli Mahapalika Election) प्रभाग क्रमांक 18 अ मधून भाजपने आपले विजयाचे खाते उघडले आहे. 18 अ मध्ये नागरिकांचा मागास प्रवर्ग महिला या जागेसाठी एकच अर्ज दाखल झाला आहे. भाजपच्या रेखा राजन चौधरी यांनी अर्ज दाखल केला होता. मात्र, दुसरा कोणीही अर्ज दाखल केल नाही. त्यामुळं निकालाआधीच भाजपचा पहिला उमेदवार विजयी होणार आहे.
मागास प्रवर्ग महिला या जागेसाठी रेखा चौधरी यांचा एकच अर्ज दाखल झाला
18 अ मध्ये नागरिकांचा मागास प्रवर्ग महिला या जागेसाठी रेखा चौधरी यांचा एकच अर्ज दाखल झाला असल्याची माहिती निवडणूक अधिकारी वरुण कुमार सहारे यांनी दिली आहे. त्यामुळं राज्यात भाजप महापालिका निवडणुकीत विजयाचे खाते उघडणार आहे. निकालाआधीच भाजपचा पहिला उमेदवार विजयी होणार आहे. भाजप प्रदेशाध्यक्ष रविंद्र चव्हाण यांच्या विशेष प्रयत्नांना यश मिळताना दिसत आहे. भाजपच्या रेखा राजन चौधरी या नगरसेविकेची बिनविरोध निवड होणार आहे.
रेखा चौधरी या विश्व हिंदू परिषद आणि बजरंग दलाच्या कार्यकर्त्या
रेखा चौधरी या विश्व हिंदू परिषद आणि बजरंग दलाच्या कार्यकर्त्या आहेत. रेखा चौधरी यांचा विजय हा हिंदुत्वाचा पहिला विजय असल्याची अधिकृत प्रतिक्रिया भाजपने दिली आहे. भाजपच्या कल्याण विभागाच्या महिला मोर्चाच्या चौधरी या जिल्हाध्यक्ष आहेत. कल्याण डोंबिवली महापालिकेत प्रभाग क्रमांक 18 अ मधून त्यांची बिनविरोध निवड होणार आहे. कल्याण डोंबिवली महापालिकेत भाजपने विजयाचे खाते उघडले आहे. प्रभाग क्रमांक 18 अ मधून रेखा चौधरी यांचा एकमेव अर्ज दाखल जाला आहे. कुठलाही अतिरिक्त अर्ज न आल्याने रेखा चौधरी यांची बिनविरोध निवड होणार आहे.
उमेदवारी अर्ज दाखल करण्याचा आजचा शेवटचा दिवस होता
राज्यातील 29 महानगरपालिका निवडणुकांसाठी उमेदवारी अर्ज दाखल करण्याचा आजचा शेवटचा दिवस होता. त्यामुळे शेवटच्या दिवशी आपापल्या पक्षाकडून एबी फॉर्म घेऊन उमेदवारी अर्ज भरण्यासाठी सर्वपक्षीय उमेदवारांची झुंबड उडताना दिसली. पुणेमुंबई, छत्रपती संभाजीनगर, लातूर या महानगरपालिकांमध्ये उमेदवारी अर्ज भरण्याच्या दिवशी हायव्होल्टेज राजकीय ड्रामा पाहायला मिळाला. आता 2 जानेवारीपर्यंत उमेदवारांना अर्ज माघारी घेता येणार आहेत. त्यानंतर 15 जानेवारीला मतदान होणार असून 16 जानेवारीला एकाच दिवशी 29 महानगरपालिकांमध्ये मतमोजणी होऊन निवडणुकीचा निकाल जाहीर होणार आहे.
महत्वाच्या बातम्या:
सोलापुरात भाजपने वेळेत एबी फॉर्म भरले नाहीत, काँग्रेससह ठाकरे गटाची निवडणूक आयोगाकडे तक्रार, भाजपनं दिलं स्पष्टीकरण
आणखी वाचा
Comments are closed.