महायुद्ध पेटणार; इस्रायल-अमेरिकेच्या हल्ल्यात खामेनींच्या कुटुंबाचा खात्मा; मुलगी, जावई आणि नातीचा मृत्यू, बदला घेण्याचा इशारा

इराणचे सर्वोच्च नेते अयातुल्ला अली खामने यांच्यासह त्यांचे कुटुंब इस्रायल आणि अमेरिकेच्या संयुक्त हवाई हल्ल्यात ठार झाले आहे. इराणी सरकारी मीडिया आणि ‘रॉयटर्स’ने दिलेल्या माहितीनुसार, या भीषण हल्ल्यात खामेनी यांची मुलगी, जावई आणि नातीचा मृत्यू झाला आहे. इराणी माध्यमांनीही खामेनी यांचा मृत्यू झाल्याच्या वृत्ताला दुजोरा दिला असून इस्रायल-अमेरिकेला याचे परिणाम भोगावे लागतील अशी धमकी दिली आहे. त्यामुळे जग तिसऱ्या महायुद्धाच्या उंबरठ्यावर पोहोचल्याचे संकेत मिळत आहेत.

इराणचे सर्वोच्च नेते अयातुल्ला खामेनी यांचा मृत्यू, जगातील सर्वात क्रूर व्यक्तीचा अंत झाल्याचा ट्रम्प यांचा दावा

इराणचे सर्वोच्च नेते अयातुल्ला अली खामेनी यांची मुलगी, जावई आणि नात यांचा अमेरिका आणि इस्रायलने केलेल्या हवाई हल्ल्यात मृत्यू झाल्याचे वृत्त इराणी प्रसारमाध्यमांनी रविवारी दिले. ‘फार्स न्यूज एजन्सी’ आणि इतर इराणी वृत्तसंस्थांनी दिलेल्या माहितीनुसार, इराणच्या सर्वोच्च नेत्याच्या निवासस्थानातील विश्वसनीय सूत्रांशी संपर्क साधल्यानंतर खामेनी यांची मुलगी, जावई आणि नात यांच्या मृत्यूच्या वृत्ताला अधिकृत दुजोरा मिळाला आहे. या भीषण हल्ल्यामुळे मध्य पूर्वेतील तणाव आता शिगेला पोहोचला आहे.

इराणचे सर्वोच्च नेते अयातुल्ला अली खामेनी यांच्या मृत्यूनंतर इस्रायल आणि इराणी नागरिकांनी एकत्र येत जल्लोष केला #IranIsraelConflict #आयतुल्लाहखामनेई #अलीखामेनी pic.twitter.com/tuz3B5MzPH

— सामना ऑनलाइन (@SaamanaOnline) 1 मार्च 2026