मोठी बातमी! फुटबॉल चाहत्यांना मोठा धक्का; दिग्गज फुटबॉलर लिओनेल मेस्सीची आंतरराष्ट्रीय फुटबॉलमधून निवृत्ती जाहीर

अर्जेंटिनाचा दिग्गज फुटबॉलपटू लिओनेल मेस्सीने (Lionel Messi announce retirement from football) आंतरराष्ट्रीय फुटबॉलमधून निवृत्ती घेतली आहे. त्याने सोमवार (31 ऑगस्ट) रोजी तीन पानांचं पत्र लिहून निवृत्तीची घोषणा केली. मेस्सीच्या या अचानक निवृत्तीमुळे फुटबॉल जगताला आणि चाहत्यांना मोठा धक्का बसला आहे.

जुलैमध्ये संपलेल्या 2026 फिफा वर्ल्ड कपमध्ये मेस्सीचा अर्जेंटिना संघ अंतिम फेरीत पोहोचला होता, मात्र अंतिम सामन्यात त्यांना स्पेनविरुद्ध पराभवाचा सामना करावा लागला होता.

निवृत्तीबाबत मेस्सीने लिहिले आहे की, “शेवटच्या सामन्यानंतर इतका वेळ निघून गेल्यानंतर आणि खूप विचार केल्यानंतर, मी सर्वांना सांगू इच्छितो की मी राष्ट्रीय संघातून निवृत्ती घेत आहे. हा एक असा निर्णय होता ज्यामुळे मला खूप वाईट वाटलं आणि आजही आतून वाईट वाटते, पण मला समजले आहे की हीच योग्य वेळ आहे.

मेस्सी पुढे म्हणाला, मी शपथ घेऊन सांगतो की मी माझे सर्वस्व दिले आहे, केवळ गेल्या काही वर्षांतच नाही जेव्हा आपण सर्वकाही जिंकलो, तर त्याआधीही. मी नेहमीच या जर्सीसाठी संघर्ष केला आणि माझे सर्वस्व झोकून दिले, जेणेकरून तुम्हाला आनंद देऊ शकेन आणि फुटबॉलच्या माध्यमातून अर्जेंटिनाला अभिमान वाटावा असा क्षण तुम्हाला अनुभवता येईल.

त्याने पुढे लिहिले, “आता जास्त वेळ उरलेला नाही आणि आयुष्यातील अनेक टप्पे संपण्याच्या मार्गावर आहेत. हा एक असा टप्पा आहे जो मला खूप दुःख देतो. राष्ट्रीय संघाचा भाग राहणे मला नेहमीच आवडले आहे, आवडते आणि पुढेही आवडेल. मी माझे सर्वकाही दिले आहे आणि आता माझ्याकडे देण्यासारखे काहीही उरले नाही.

मेस्सीच्या आंतरराष्ट्रीय कारकिर्दीवर नजर टाकल्यास, त्याने ऑगस्ट 2005 मध्ये पदार्पण केले होते. आपल्या कारकिर्दीत त्याने 207 सामने खेळले, ज्यामध्ये 125 गोल केले. याशिवाय त्याने 68 गोलमध्ये असिस्ट (साह्य) केले. मेस्सीने आंतरराष्ट्रीय फुटबॉलमध्ये एकूण 17, 120 मिनिटे खेळ केला. मेस्सीच्या नेतृत्वाखाली अर्जेंटिना 2022 चा फिफा विश्वचषक जिंकला होता. त्याच्या विश्वचषक कारकिर्दीबद्दल बोलायचे तर, मेस्सीने एकूण 34 सामने खेळले, ज्यामध्ये 21 गोल केले आहेत. त्याच्या अचानक निवृत्तीमुळे फुटबॉल चाहत्यांना मोठा धक्का बसला आहे.