मेस्सी सुस्साट; अल्जीरियाविरुद्धच्या कारकिर्दीतील पहिली हॅट्ट्रिक, क्लोसच्या वर्ल्ड कपमधील सर्वाधिक गोल्सच्या विक्रमाची केली बरोबरी

लिओनेल मेस्सीने वर्ल्ड कपमधील आपली पहिली हॅट्ट्रिक नोंदवत मिरोस्लाव क्लोसच्या कारकिर्दीतील वर्ल्ड कप गोल्सच्या विक्रमाशी बरोबरी केली; अल्जीरियाविरुद्धच्या या सामन्यासाठी ‘ॲरोहेड स्टेडियम’मध्ये खचाखच भरलेल्या हजारो अर्जेंटिनाच्या चाहत्यांना त्याने आनंदाची पर्वणी दिली.

मेस्सीने सामन्याच्या सुरुवातीच्या मिनिटांतच आपला इंटर मियामीमधील सहकारी रॉड्रिगो डी पॉल कडून मिळालेल्या सुंदर पासवर पहिला गोल केला, दुसरा गोल दुसऱ्या हाफच्या सुरुवातीला केला, आणि तिसरा गोल मैदानातून बाहेर पडण्यापूर्वी काही क्षणांआधी केला; त्यावेळी संपूर्ण स्टेडियमने उभे राहून टाळ्यांच्या कडकडाटात त्याचे कौतुक केले. त्याच्या या कामगिरीमुळे अर्जेंटिनाने अल्जीरियावर ३-० असा दणदणीत विजय मिळवून आपल्या वर्ल्ड कप विजेतेपदाचा बचाव दिमाखात सुरू केला.

मेस्सीने सर्बिया आणि मॉन्टेनिग्रोविरुद्धच्या सामन्यातून वर्ल्ड कपमध्ये पदार्पण केले होते, त्याला आज बरोबर २० वर्षे पूर्ण झाली आहेत त्या पहिल्या सामन्यातही त्याने गोल केला होता.

मेस्सीने त्याच्या ६ वर्ल्ड कपमधील सामन्यांमध्ये एकूण १६ गोल्स केले आहेत आणि येत्या काही आठवड्यांत क्लोसचा हा विक्रम मोडीत निघणार हे आता निश्चित दिसत आहे. त्याच्या कारकिर्दीतील ही ६१ वी हॅट्ट्रिक होती, तर राष्ट्रीय संघासाठी खेळताना केलेली ही ११ वी हॅट्ट्रिक ठरली.

मेस्सीच्या अखेरच्या वर्ल्ड कप मोहिमेची सुरुवात, गतविजेत्या अर्जेंटिनासमोर अल्जेरियाचे आव्हान

मेस्सीने सलग पाचव्या वर्ल्ड कप सामन्यात गोल करण्याची ही कामगिरी केली आहे.