वय केवळ आकडा! मेस्सीने अल्जेरियाविरुद्धच्या सलामीच्या सामन्यातच विक्रमी हॅट्ट्रीकसह नोंदवले 'हे' भन्नाट रेकॉर्ड्स

विश्वचषकात हॅट्ट्रीक नोंदवणारा सर्वात वयस्कर खेळाडू – मेस्सी सध्या 38 वर्षे आणि 357 दिवसांचा आहे. हा विक्रम आधी ख्रिस्तियानो रोनाल्डोच्या नावावर होता, ज्याने 2018 मध्ये वयाच्या 33 वर्षे आणि 130 दिवसांनी हॅट्ट्रीक केली होती.

पाच विश्वचषकांमध्ये गोल करणारा दुसरा खेळाडू – पाच फिफा विश्वचषकांमध्ये गोल करणारा मेस्सी हा रोनाल्डोनंतर (पोर्तुगल) दुसऱ्या क्रमांकावर आहे. तसेच रोनाल्डो पुन्हा हा विक्रम आपल्या नावावर करण्याच्या तयारीत आहे.

सर्वाधिक गोल योगदान – मेस्सीच्या नावावर आता 24 गोल योगदान आहे, जे फिफा विश्वचषक इतिहासातील सर्वाधिक आहेत. यापूर्वी त्याने 21 गोल योगदानांसह पेलेची बरोबरी केली होती.

बॉक्सच्या बाहेरून पाच गोल – मेस्सीने बॉक्सच्या बाहेरून आपला पाचवा फिफा विश्वचषक गोल केला. या गोलमुळे त्याने गेल्या सहा दशकांत सर्वाधिक गोल करण्याच्या बाबतीत ब्राझीलच्या रिव्हेलिनोची बरोबरी केली आहे.

सलग पाच सामन्यांमध्ये गोल करणारा पहिला अर्जेंटिनाचा खेळाडू – मेस्सी हा विश्वचषकाच्या सलग पाच सामन्यांमध्ये गोल करणारा पहिला अर्जेंटिनाचा खेळाडू ठरला आहे. तो जस्टिन फॉन्टेन (फ्रान्स) आणि जॅरझिन्हो (ब्राझील) यांच्या सर्वकालिन विक्रमापासून केवळ एक गोल दूर आहे.

सहावा विश्वचषक – मेस्सी त्याच्या सहाव्या फिफा विश्वचषकात खेळत आहे. हा ही एक विक्रम त्याने आपल्या नावे केला आहे. 16 जून रोजी त्याच्या विश्वचषक पदार्पणाला आणि केलेल्या पहिल्या गोलला 20
वर्षे पूर्ण झाली.