’50 घेऊन ये आणि तुझं काम करून जा’, मंत्रालयातील झिरवळांच्या कार्यालयातील लाचखोरीचं स्टिंग ऑपरेश

मुंबई: राष्ट्रवादी काँग्रेस पक्षाचे नेते आणि मंत्री नरहरी झिरवाळ यांच्या मंत्रालयातील कार्यालयामधील लाच प्रकरणाचे स्टिंग ऑपरेशचा व्हिडीओ समोर आला आहे. एसीबीने झिरवाळ यांच्या कार्यालयावर धाड टाकली होती. या कारवाईत एसीबीने क्लर्कला ३५ हजारांची लाच घेताना रंगेहाथ पकडलं होतं. मंत्रालयातील लाच प्रकरणाचे स्टिंग ऑपरेशन (Mantralaya Bribery Sting Operation) केल्याचा व्हिडीओ समोर आल्यामुळे आता खळबळ उडाली आहे. या लाच प्रकरणामुळे राजकीय वर्तुळात खळबळ उडाली होती, तर झिरवळ यांच्या राजीनाम्याची मागणी मोठ्या प्रमाणावरती झाली होती.(Mantralaya Bribery Sting Operation)

मंत्री नरहरी झिरवाळ यांच्या मंत्रालयातील कार्यालयावर गुरूवारी १२ फेब्रुवारीला एसीबीने छापा टाकला होता. लाचलुचपत प्रतिबंधक विभागाने सापळा रचून ही कारवाई केली. झिरवाळ यांच्या कार्यालयात काम करणारा क्लर्क राजेंद्र ढेरंगे याला ५० हजार रुपयांची लाच घेताना रंगेहाथ पकडण्यात आले होते. राजेंद्र ढेरंगे यांनी मेडीकलचा परवाना निलंबन रद्द करण्यासाठी मदत करण्यासाठी ५० हजार रुपयांची मागणी केली होती. यामधील ३५ हजार रुपये घेत असताना त्याला रंगेहाथ अटक करण्यात आली होती.(Mantralaya Bribery Sting Operation)

मंत्री नरहरी झिरवळ यांच्या कार्यालयातील जो लाच मागतानाचा व्हिडिओ आता व्हायरल होत आहे. हा व्हिडिओ जानेवारी ते फेब्रुवारी दरम्यानचा आहे. यात राजेंद्र ढेरंगे याने व्हिडिओ काढणाऱ्या व्यक्तीकडे ५० हजारांची लाच मागितली होती. लाच म्हणून त्या व्यक्तीकडून ५० हजार रुपये दिल्याचेही कळते. तर दुसरी एका प्रकरणात अशीच लाच दुसऱ्या एका तक्रारदाराकडे राजेंद्र ढेरंगे यानी मागितली. पैसे द्यायची त्यांची इच्छा नसल्याने त्यांनी एसीबीला याबाबत माहिती दिली. एसीबीने मग सापळा रचून पैसे घेताना राजेंद्र ढेरंगे याच्यावर कारवाई केली. अशाच प्रकारे राजेंद्र ढेरंगे यांने अनेकांकडून पैसे उकळल्याचा संशय एसीबीला आहे. एसीबीच्या कारवाईनंतर हे स्टिंग ऑपरेशन आता बाहेर आलं आहे. एसीबीने नरहरी झिरवळ यांच्या विभागात केलेल्या कारवाईचा व्हिडिओ समोर आला आहे. राजेंद्र ढेरंगे याचा लाच मागतानाचा व्हिडिओ सध्या चर्चेत आला आहे. लाच मागताना राजेंद्र ढेरंगे व्हिडिओत कैद झाला आहे.

’50 घेऊन ये आणि तुझं काम करून जा’, मंत्रालयातील झिरवळांच्या कार्यालयातील लाचखोरीचं स्टिंग ऑपरेशन #लाचकेस #narharizirwal pic.twitter.com/T3fQzPld7v

— अंकिता शांतीनाथ खाणे (@KhaneAnkita) 19 फेब्रुवारी 2026

या व्हायरल व्हिडीओमध्ये ढेरंगे पैशाबद्दल बोलताना कैद झाला आहे  “50 घेऊन ये आणि तुझं काम करून घेऊन जा, कधी येणार सांग मला तसं तयारीत राहावं लागेल. साहेब येतील, पुढच्या हफ्त्यात यावं लागेल” असं ठेरंगे हा या व्हिडीओमध्ये बोलत आहे.

काय आहे प्रकरण?

मेडिकल परवाना रद्द करण्याच्या प्रकरणी राजेंद्र ढेरंगे याने 12 फेब्रुवारी रोजी मंत्रालयात ३५ हजारांची लाच स्वीकारली होती.  ढेरंगेला अटक केल्यानंतर न्यायालयात हजर केलं होतं.  एसीबीची कारवाई लाचलुचपत प्रतिबंधक विभागाने (ACB) राजेंद्र ढेरंगेला ३५ हजारांची लाच घेतल्याच्या आरोपावरून अटक केली.  लाच स्वीकारल्याचा आरोप सरकारी काम करून देण्यासाठी संबंधित रक्कम स्वीकारल्याचं आरोप असून गुन्हा नोंद करण्यात आला आहे.  ढेरंगे सध्या एसीबीच्या कोठडीत आहे.

…तर राजीनामा देईन – झिरवळ

या प्रकरणावर नरहरी झिरवळ यांच्यावरती देखील टीका झाली, राजीनाम्याची मागणी करण्यात आली,यावरती त्यांनी आपली भूमिका स्पष्ट केली होती. “मंत्रालयातील एका क्लर्कला ट्रॅप करण्यात आलं होतं. जो प्रकार घडला तो चुकीचा होता. अनेकांनी आरोप केले की यात वरपर्यंत लिंक आहे. पण माझ्याशी त्याची लिंक जोडली गेली तर मी राजीनामा देईल, असं नरहरी झिरवळ यांनी स्पष्ट केलं होतं.

आणखी वाचा