मतभेद असावे, मनभेद नसावे; भुजबळांवरील शस्त्रक्रियेनंतर बाळा नांदगावकरांनी घेतली भेट, पोस्ट शेअर

Chhagan Bhujbal : राष्ट्रवादी काँग्रेस नेते आणि राज्याचे अन्न व नागरी पुरवठामंत्री छगन भुजबळ (chhagan bhujbal) यांची प्रकृती सध्या बिघडलेली आहे. गेल्या काही दिवसांपासून त्यांच्यावर रूग्णालयात उपचार सुरू आहेत. 28 ऑक्टोबर रोजी त्यांना रुग्णालयात दाखल करण्यात आले होते. त्यावेळी भुजबळ (chhagan bhujbal) यांना नियमित तपासणीसाठी रुग्णालयात दाखल करण्यात आले, असे सांगण्यात आलेले होते. नुकतीच त्यांची शस्त्रक्रिया करण्यात आली आहे. या शस्त्रक्रियेनंतर महाराष्ट्र नवनिर्माण सेनेचे नेते बाळा नांदगांवकर (Bala nandgaonkar) यांनी भुजबळ यांची भेट घेतली आहे. भुजबळ यांचा शस्त्रक्रियेनंतर एक फोटो समोर आला आहे. बाळा नांदगांवकरांनी भुजबळांची (chhagan bhujbal) भेट घेतल्यानंतर एक पोस्ट शेअर केली आहे, ती पोस्ट सध्या राजकीय वर्तुळात चर्चेत आली आहे.

Bala nandgaonkar social media post : बाळा नांदगांवकरांनी पोस्टमध्ये काय म्हटलंय?

“मतभेद असावे, मनभेद नसावे. राज्यातील ज्येष्ठ नेते मंत्री छगन भुजबळ साहेब यांची आज भेट घेऊन तब्येतीची विचारपूस केली. त्यांच्यावर नुकतीच शस्त्रक्रिया झाली. यावेळी त्यांच्याबरोबर जुन्या आठवणींना उजाळा दिला. शिवसैनिक म्हणून काम करत असताना भुजबळ साहेब हे आमचे ज्येष्ठ नेते होते. दोघांमधील सारखा दुवा म्हणजे “ठाकरे परिवार”. दोन्ही ठाकरे बंधू एकत्र आल्याने त्यांनी ही मनापासून आनंद व्यक्त केला. त्यांची आणि माझी राजकीय विचारधारा नंतरच्या काळात वेगळी असली तरी ज्येष्ठ नेते म्हणून त्यांच्याबद्दल मनात आदरच आहे. वयाच्या या टप्प्यात ही त्यांचा सगळ्यात मोठा गुण म्हणजे त्यांचा लढवय्या स्वभाव. अनेकदा प्रवाहाविरोधात जाऊन लढणारे भुजबळ साहेब वयाच्या या टप्प्यात ही लढवय्ये आहेत.”

“मा बाळासाहेब व एकूणच ठाकरे परिवारातील जुन्या आठवणी, आधीच्या काळातील केलेला संघर्ष त्यातून मिळविलेले यश, राजकारणाची बदलेली शैली याबद्दल ते मनापासून व्यक्त झाले. हॉस्पिटल मध्ये असले आणि शस्त्रक्रिया झाली तरी एकदम मनापासून ते व्यक्त होत होते. आम्ही दोघेही जुन्या गोष्टी आठवून भाऊक झालो. आपल्या राज्याची संस्कृती आहे की आपल्या इथे राजकीय विरोधक असतात पण दुश्मन नव्हे. कारण राजकारणात मतभेद असावे पण मनभेद नसावे. ही संस्कृती हळूहळू लुप्त होत आहे असे सध्या जाणवते आहे. राजकारणातील धडधडती तोफ म्हणून ओळखले जाणारे भुजबळ साहेब हे लवकरात लवकर स्वस्थ होऊन परत सक्रीय व्हावे हीच ईश्वरचरणी प्रार्थना. – बाळा नांदगावकर”, अशी पोस्ट त्यांनी लिहली आहे.

आणखी वाचा