भारतीय क्रिकेटपटू रिषभ पंत आणि माजी कर्णधार एमएस धोनी यांचा एक व्हायरल व्हिडिओ सध्या सोशल मीडियावर जोरदार चर्चेत आहे. या व्हिडिओमध्ये दोन्ही क्रिकेटपटूंसोबत आणखी काही जण दिसत असून, मित्रमंडळींमध्ये पार्टी सुरू असल्याचे दिसत आहे. व्हिडिओमध्ये धोनी हुक्का ओढून येत असल्याचे सांगताना दिसत असल्याने अनेक चाहत्यांना आश्चर्य वाटले असून, यावर सोशल मीडियावर विविध प्रतिक्रिया उमटत आहेत.
हा व्हायरल व्हिडिओ एका खोलीतील आहे. मात्र, ही खोली कोणाच्या घरातील आहे की हॉटेलमधील, याबाबत कोणतीही अधिकृत माहिती समोर आलेली नाही. तसेच हा व्हिडिओ नेमका कधीचा आहे, हेही स्पष्ट झालेले नाही.
व्हिडिओमध्ये एमएस धोनी, रिषभ पंत यांच्यासह 6 ते 7 जण दिसत आहेत. सुरुवातीला सर्वजण एकत्र ग्रुप फोटो काढताना दिसतात. त्यानंतर सर्वजण वेगवेगळे होतात. सोफ्यावर बसलेल्या पंतला धोनी आपल्या बोटातील अंगठी काढून घालताना देखील दिसत आहे. टेबलवर काही ड्रिंक्स ठेवलेलेही दिसत आहेत.
व्हायरल झालेल्या या व्हिडिओमध्ये पंत आपल्या मित्रांना जवळ बोलावताना दिसतो. त्यानंतर एमएस धोनी पंतच्या शेजारी बसलेल्या व्यक्तीच्या पायाला स्पर्श करताना दिसतो.
त्यानंतर, सोशल मीडियावर असा दावा केला जात आहे की धोनी “दादा, मी हुक्का ओढायला जातो,” असे म्हणताना ऐकू येत आहे.
धोनीच्या हुक्का ओढण्याच्या आवडीबद्दल चर्चा होण्याची ही पहिलीच वेळ नाही. चेन्नई सुपर किंग्जसाठी धोनीसोबत खेळलेल्या जॉर्ज बेलीनेही यापूर्वी सांगितले होते की, धोनी आपल्या खोलीत हुक्का सेशन्स आयोजित करायचा.
हा व्हिडिओ व्हायरल झाल्यानंतर एमएस धोनीचे काही जुने फोटो पुन्हा समोर आले आहेत आणि त्यावर सोशल मीडियावर चर्चा होत आहे. काही युजर्सचा दावा आहे की या फोटोंमध्ये त्याच्या जवळ हुक्का दिसत आहे.
Comments are closed.