मुंबई गुन्हेगारी मुलीची आत्महत्या: मुंबईतील एका महाविद्यालयात गुरुवारी एक खळबळजनक घटना घडली. या कॉलेजमध्ये शिकणाऱ्या एका तरुणीने महाविद्यालयाच्या इमारतीच्या तिसऱ्या मजल्यावरुन उडी मारुन जीव (Suicide News) दिला. गुरुवारी सकाळी ही घटना घडली. त्यामुळे एकच खळबळ उडाली आहे. या मुलीने आत्महत्येचे टोकाचे पाऊल का उचलले, याविषयी तर्कवितर्क लढवले जात आहेत.
आत्महत्या केलेली ही तरुणी मुंबईतील एका महाविद्यालयात अंकशास्त्र विभागात तिसऱ्या वर्षाला शिकत होती. ती गुरुवारी नेहमीप्रमाणे सकाळी महाविद्यालयात आली. पण महाविद्यालयाच्या सकाळच्या सत्राची लगबग सुरू असताना संध्याने तिसऱ्या मजल्यावरुन खाली उडी घेऊन आत्महत्या केली.
या महाविद्यालयाच्या प्रशासनाकडून ही आत्महत्या असल्याचे सांगितले जात असले तरी तिच्या पालकांना हा दावा मान्य नाही. आपल्या मुलीने आत्महत्या केलेली नाही, तिच्या बाबतीत घातपात झाला असावा. तिला तिसऱ्या मजल्यावरुन कोणीतरी ढकलले असावे, असा संशय कुटुंबीयांनी व्यक्त केला आहे. त्यामुळे या आत्महत्या प्रकरणातील गुंतागुंत वाढली आहे. आता पोलीस तपासात काय समोर येणार हे बघावं लागेल.
महाविद्यालयात नेमकं काय घडलं?
आत्महत्या केलेली तरुणी ही गुरुवारी सकाळी नेहमीप्रमाणे कॉलेजला आली होती. यानंतर सर्वजण वर्ग सुरु झाल्यानंतर आतमध्ये जाऊन बसले. मात्र, ती तरुणी कॉलेजच्या तिसऱ्या मजल्यावर गेली. कोणालाही पत्ता लागण्यापूर्वी तिने तिसऱ्या मजल्यावरुन उडी टाकली. यामध्ये ती गंभीर जखमी झाली. खाली पडल्यानंतर संध्याच्या शरीरातून मोठ्या प्रमाणात रक्तस्राव झाला. तिला तातडीने जवळच्या रुग्णालयात नेण्यात आले. मात्र, उपचारापूर्वीच तिचा मृत्यू झाला होता.
Mumbai Suicide News: सीसीटीव्ही फुटेज ठरणार तपासातील महत्त्वाचा दुवा
ही तरुणी अवघ्या 21 वर्षांची होती. तिने आत्महत्येसारखे टोकाचे पाऊल का उचलले, हे अद्याप समजू शकलेले नाही. आमची मुलगी आत्महत्या करु शकत नाही, तिच्याबाबत घातपात झाला असावा, असे तिच्या कुटुंबीयांचे म्हणणे आहे. त्यामुळे या प्रकरणातील गूढ आणखीनच वाढले आहे. पोलिसांनी या घटनेचे गांभीर्य लक्षात घेऊन तातडीने तपास सुरू केला आहे. महाविद्यालयातील सर्व सीसीटीव्ही कॅमेऱ्यांचे फुटेज तपासले जात आहे. यापैकी एका कॅमेऱ्यात तरुणी तिसऱ्या मजल्यावरील कॉरिडोअरमधून चालत जाताना दिसत आहे. मात्र, त्यानंतर तिने नेमकी कशी उडी मारली, त्यावेळी तिच्यासोबत कोणी होते का, हे प्रश्न अनुत्तरित आहेत. महाविद्यालयातील कॉरिडोअरमध्ये असणाऱ्या भिंती बऱ्यापैकी उंच आहेत. त्यामुळे तरुणीचा चुकून तोल जाऊन खाली पडण्याची शक्यता फारच कमी आहे. तसेच कॉलेजच्या प्रत्येक मजल्यावर सीसीटीव्ही कॅमेरे आहेत. यापैकी एकातरी कॅमेऱ्यात तिने उडी मारतानाचे दृश्य चित्रित झाले असावे, असा अंदाज आहे. त्यामुळे आता पोलिसांच्या पुढील तपासात काय माहिती समोर येणार, याकडे सर्वांच्या नजरा लागल्या आहेत.
आणखी वाचा
मोठी बातमी: साठ्ये कॉलेजच्या इमारतीवरुन विद्यार्थिनीची उडी, 21 वर्षाच्या संध्याचं टोकाचं पाऊल!
साठ्ये कॉलेजच्या इमारतीवरुन संध्या पाठकला ढकललं? कुटुंबीयांचा खळबळजनक आरोप, पोलिसांचा कसून तपास
आणखी वाचा
Comments are closed.