चढाया, पकडी आणि प्रत्येक क्षणाला बदलणारा गुणफलक. विक्रोळीच्या टागोर नगरातील डॉ. बाबासाहेब आंबेडकर उद्यानात सुरू असलेल्या आमदार चषक कबड्डी स्पर्धेत तिसऱ्या दिवशी अक्षरशः थराराची मालिकाच रंगली. हिंदुहृदयसम्राट शिवसेनाप्रमुख बाळासाहेब ठाकरे यांच्या जन्मशताब्दी वर्षानिमित्त रंगलेल्या या स्पर्धेत पुरुषांच्या व्यावसायिक गटात मुंबई बंदर, भारत पेट्रोलियम (बीपीसीएल), आयएसपीएल आणि ठाणे महानगरपालिका यांनी उपांत्य फेरीत धडक मारत विजेतेपदासाठी जोरदार दावा ठोकला. महिला गटात शिवशक्ती, राजमाता जिजाऊ, धर्मवीर आणि पतंगराव कदम मंडळाने उपांत्य फेरीत धडक मारत आपला दबदबा निर्माण केला.
तिसऱ्या दिवशी कबड्डीप्रेमींचा श्वास क्षणाक्षणाला रोखला जात होता. मुंबई बंदर आणि संत सोपान काका बँक यांच्यातील लढत म्हणजे चढाई-पकडींचा बॉम्बच. साईल पाटील आणि राहुल टाके यांच्या आक्रमक खेळामुळे मुंबई बंदरने मध्यंतराला 20-13 अशी मजबूत आघाडी घेतली, मात्र उत्तरार्धात दीपक सांगळे आणि धीरज देवरे यांनी संत सोपान काकासाठी सामन्यात रंग भरला. शेवटच्या पाच मिनिटांत सामना अक्षरशः तोलामोलाचा झाला, पण निर्णायक क्षणी मुंबई बंदरने झडप घालत 36-32 असा विजय खेचून आणला.
ठाणे आणि मीरा-भाईंदर या महापालिकांच्या संघांमधील सामना तर जिद्दीचा संघर्ष. पहिल्या मिनिटापासून दोन्ही संघांनी एकमेकांवर तुटून पडत 14-14 अशी बरोबरी साधली. उत्तरार्धातही गुणांची शर्यत तितकीच चुरशीची राहिली, पण शेवटच्या क्षणी ठाण्याने अचूक डाव साधत 28-25 अशी बाजी मारली. दरम्यान, बीपीसीएल आणि सीजीएसटी यांच्यातील सामना म्हणजे ‘कमबॅक’ची जिवंत कहाणी ठरली. सौरभ फगारे आणि साईप्रसाद पाटील यांच्या झंझावाती चढायांमुळे सीजीएसटीने मध्यंतराला 20-10 अशी भक्कम आघाडी घेतली होती. पण मध्यंतरानंतर बीपीसीएलच्या खेळाडूंमध्ये जणू नवसंजीवनी संचारली. मिलन दहिया आणि तुषार अदावडे यांनी आक्रमणाची धुरा सांभाळत आधी पिछाडी भरून काढली आणि नंतर एकेक गुण टिपत आघाडी घेतली. शेवटच्या क्षणी संयमी खेळ करत बीपीसीएलने 35-30 असा दणदणीत विजय मिळवला. आयएसपीएलने मात्र मुंबई पोस्टलविरुद्ध आक्रमणाचा धडाका लावत 46-34 असा एकतर्फी विजय मिळवत अंतिम चार संघांमध्ये स्थान निश्चित केले.
आता उपांत्य फेरीत पुरुष गटात आयएसपीएल विरुद्ध ठाणे महानगरपालिका आणि बीपीसीएल विरुद्ध मुंबई बंदर अशी रंगतदार लढत रंगणार आहे. तर महिलांमध्ये राजमाता जिजाऊ-पतंगराव कदम आणि शिवशक्ती-धर्मवीर यांच्यातील अटीतटीच्या सामन्यांनी स्पर्धेचा थरार आणखी वाढणार आहे.
महिलांच्या गटातही थराराची कमाल पाहायला मिळाली. पतंगराव पाऊल आणि स्वराज्य खेळ क्लब यांच्यातील चेहरा अक्षरशः काटे च्या टक्कर ठरला. सानिका खाडे, आर्या लॉर्डे यांच्या आक्रमणाला यशिका पुजारी, प्रतीक्षा तांडेल यांनी जोरदार प्रत्युत्तर दिले. मध्यंतराला 16-16 अशी बरोबरी असलेला हा चेहरा अखेर पतंगराव पाऊल संघाने 33-31 असा जिंकला. धर्मवीर आणि श्रीराम कबड्डी संघ यांच्यातील संघर्षही तितकाच नाटय़मय ठरला. समृद्धी कोळेकर आणि हर्षदा हुंदरे यांच्या निर्णायक खेळामुळे धरमवीरणे या संघर्षात 35-33 असा निसटता विजय मिळवला. राणी आई जिजाऊ आणि विवेक खेळ यांच्यातील लढतीत तर उत्पंठेची परिसीमा गाठली. 24-14 अशी पिछाडी असूनही विवेकने शेवटपर्यंत झुंज दिली, पण निकिता पडवळ आणि ओळ सावंत यांच्या जोरावर राणी आई जिजाऊने 40-38 अशी दोन गुणांनी उपांत्य पुन्हा गाठली.
Comments are closed.