Murder of maid in Delhi आधी बॅटने मारहाण नंतर चाकूने भोसकले, मोलकरणीचा काळी जादू केल्याच्या संशयावरुन खून

मिळालेल्या माहितीनुसार दिल्ली पोलिसांनी सांगितले की, पन्नाशी ओलांडलेल्या संशयिताला ताब्यात घेण्यात आले असून त्याची चौकशी सुरू आहे. पोलिसांनी सांगितले की, एका शेजाऱ्याने रक्ताच्या थारोळ्यात एक महिला मृतावस्थेत पडल्याची माहिती दिली. पोलीस उपआयुक्त (आग्नेय) हेमंत तिवारी यांनी सांगितले की, एक पथक तात्काळ घटनास्थळी रवाना झाले आणि त्यांना महिलेचा मृतदेह आढळला, जिची ओळख नंतर मीना म्हणून पटली.

आरोपी मृतदेहाजवळ बसून

“आरोपी तिथे उपस्थित होता आणि मृतदेहाजवळ बसला होता. त्याने पीडितेला बॅटने मारल्याचे आणि नंतर चाकूने हल्ला केल्याचे कबूल केले आहे. त्याला अटक करण्यात आली असून, गुन्ह्याच्या हेतूबाबत चौकशी सुरू आहे,” असे तिवारी म्हणाले.

तपास अधिकाऱ्यांनी सांगितले की, कामासाठी घरी आलेल्या मीनावर आरोपीने काळी जादू केल्याचा आरोप करत तिच्यावर हल्ला केला. त्यांनी पुढे सांगितले की, हत्येसाठी वापरलेली शस्त्रे जप्त करण्यात आली आहेत.