नागपूर क्राईम न्यूज : नागपुरात एका बसवर हल्ला करण्यात आल्याची घटना घडली आहे. नागपूरच्या लकडगंज पोलीस स्टेशन जवळ महानगरपालिकेच्या “आपली बस”वर हातोडीने दोन अज्ञाताने हल्ला केल्याचा दावा बस चालकाने केला आहे. संध्याकाळी आठ वाजताच्या सुमारास बस वर्धमान नगर वरून लकडगंजच्या दिशेने जात असताना लकडगंज पोलीस स्टेशन पासून काही अंतरावर ऍक्टिवा वर आलेल्या दोघांनी बसवर आधी समोरच्या काचेवर आणि त्यानंतर बाजूच्या खिडकीच्या काचेवर हल्ला केला आहे.
पोलीस घटनास्थळावर दाखल
अचानक झालेल्या या हल्ल्यामुळे बस चालक आणि आतॉमध्ये बसलेले प्रवासी घाबरून गेले आहेत. बस चालकाने लगेच बस साईडला थांबवली आणि प्रवाशांना खाली उतरवले. बसवर हातोडीने हल्ला करणाऱ्यांनी “हलबा एकता जिंदाबाद” अशा आशयाचे पत्र त्या ठिकाणी फेकल्याचाही बस चालकाचा दावा आहे. घटनेनंतर त्या भागात वाहतूक काही काळासाठी विस्कळीत झाली होती सध्या पोलीस घटनास्थळावर पोहोचले आहेत. बसवर हातोडीने हल्ला करणाऱ्या अज्ञानतांचा शोध घेतला जात आहे.
मिळालेल्या माहितीनुसार, गंगाबाई घाट रोड वर चिटणीस पुरा परिसरातही बस फोडली आहे. दुचाकीवर बसून दोघेजण आले त्यांचे चेहरे बांधलेले होते, दोघांनी काही घोषणा दिल्या आणि हातोडीने बस वर हल्ला केल्याची घटना घडली आहे. या घटनेनंतर पोलिस घटनास्थळी दाखल झाले आहेत. या प्रकरणाचा तपास घेत आहेत.
महत्वाच्या बातम्या:
Nagpur Leopard : नागपुरातील बिबट्या पकडला, पण रेस्क्यू करणारी गाडीच बंद पडली; वन विभागाची लक्तरे वेशीवर
आणखी वाचा
Comments are closed.