महिला पोलीस आयटी कर्मचाऱ्यांच्या वेशात गेल्या अन् वासनेचा बाजार उघड केला; नाशिकमधील नामांकित कं

नाशिक क्राईम न्यूज : नाशिक शहरात एका नामांकित मल्टिनॅशनल आयटी (IT) कंपनीत महिला कर्मचाऱ्यांचे लैंगिक शोषण आणि धर्मांतराच्या प्रयत्नाचा धक्कादायक प्रकार उघडकीस आला आहे. या प्रकरणात नाशिक पोलिसांनी (Nashik Police) अत्यंत धाडसी पाऊल उचलत, महिला अधिकाऱ्यांच्या मदतीने वेशांतर करून या रॅकेटचा पर्दाफाश केला आहे.

Nashik Crime News: पोलिसांचे ‘स्पेशल ऑपरेशन’: वेशांतर करून पुरावे गोळा

हे प्रकरण अत्यंत संवेदनशील आणि कॉर्पोरेट क्षेत्राशी संबंधित असल्याने नाशिक पोलिसांनी कमालीची गोपनीयता पाळली. संशयित आरोपी मीटिंगच्या नावाखाली महिलांशी अश्लील वर्तन करत असल्याची माहिती मिळताच, महिला वरिष्ठ पोलीस अधिकारी आणि सात महिला कर्मचाऱ्यांच्या पथकाने कंपनीत वेशांतर करून प्रवेश केला.

या पथकाने प्रत्यक्ष कंपनीत वावरत असताना संशयितांच्या हालचालींवर लक्ष ठेवले. मीटिंग दरम्यान होणारे अश्लील हावभाव आणि गैरवर्तन पोलिसांनी स्वतः डोळ्यांनी पाहिले. तसेच, सुमारे 40 हून अधिक सीसीटीव्ही कॅमेऱ्यांचे फुटेज तपासून ठोस पुरावे गोळा केल्यानंतर पोलिसांनी आरोपींच्या मुसक्या आवळल्या.

Nashik Crime News: धर्मांतर आणि लैंगिक अत्याचाराचा विळखा

तपासात समोर आलेली माहिती अंगावर काटा आणणारी आहे. नोकरीच्या मुलाखतीपासूनच तरुणींना लक्ष्य केले जायचे. ‘माझ्यामुळेच तुला नोकरी मिळाली’ असे सांगून महिलांवर उपकाराचे ओझे टाकले जायचे. एका पीडितेने दिलेल्या तक्रारीनुसार, सुट्टीच्या दिवशी तिला एका रिसॉर्टवर नेऊन तिच्यावर अत्याचार करण्यात आला. केवळ महिलांचे शोषणच नाही, तर एका तरुण पुरुष कर्मचाऱ्याला देखील धर्मांतरासाठी भाग पाडण्यात आल्याचे उघड झाले आहे. कामाच्या ठिकाणी विशिष्ट धर्माबद्दल आक्षेपार्ह टिप्पणी करून कर्मचाऱ्यांचे मानसिक खच्चीकरण केले जात होते.

Nashik Crime News: पाच जणांना अटक; 10 एप्रिलपर्यंत कोठडी

या प्रकरणात आतापर्यंत मुंबई नाका पोलीस ठाण्यात 9 गुन्हे दाखल करण्यात आले आहेत. पोलिसांनी या रॅकेटमधील पाच मुख्य संशयितांना अटक केली आहे

1. आसिफ अन्सारी
2. शफी शेख
3. शाहरुख कुरेशी
4. रझा मेमन
5. तौसिफ अत्तार

न्यायालयाने या पाचही आरोपींना 10 एप्रिलपर्यंत पोलीस कोठडी सुनावली आहे.

Nashik Crime News: नाशिकमधील तिसरे मोठे प्रकरण

अशोक खरात आणि रवींद्र एरंडेनंतर नाशिकमध्ये हे तिसरे मोठे प्रकरण समोर आल्याने शहरात खळबळ उडाली आहे. उच्चशिक्षित आणि प्रतिष्ठित कंपन्यांमध्येही महिला सुरक्षित नसल्याचे या घटनेने अधोरेखित केले आहे. या रॅकेटमध्ये अजून किती महिला बळी पडल्या आहेत याचा तपास सुरू आहे.

आणखी वाचा

Nashik Crime News: मराठी मुलीनं महिनाभर ‘रोजे’ ठेवले अन् कुटुंबीय हादरले, नाशिकमधील बड्या कंपनीत बळजबरी धर्मांतर; नेमकं काय घडलं?

आणखी वाचा